கட்டுநாயக்க கலவரத்திற்கு காரணமான இரு பொலிஸ் உயரதிகாரிகள் கைது

கட்டுநாயக்க சுதந்திர வர்த்தக நிலையத்தில் இடம்பெற்ற வன்முறைகள்
தொடர்பில் இரு காவற்துறை உயரதிகாரிகளை கைது செய்துள்ளதாக, சிறிலங்கா
புலனாய்வு பிரிவு அறிவித்துள்ளது.






இது தொடர்பில் காவற்துறை பேச்சாளர் பிரசன்ன ஜெயகொடி தெரிவிக்கையில்,
கட்டுநாயக்க ஆர்ப்பாட்டங்களின் போது பொதுமக்கள் மீது துப்பாக்கிச்சூடு
நடத்தியமைக்காகவும், கண்ணீர்ப்புகை வீச்சு தாக்குதல் நடத்தியதற்காகவும்,
Chief Inspector மற்றும் காவற்துறை IP ஆகியோரை நீர்கொழும்பு காவற்துறை
கைது செய்துள்ளதாக தெரிவித்தார்.

தனியார் ஓய்வூதிய சட்டத்திற்கு எதிர்ப்பு தெரிவித்து, கட்டுநாயக்க
சுதந்திர வர்த்தக வலய ஊழியர்கள், நேற்று முன் தினம் (திங்கட்கிழமை) பாரிய
ஆர்ப்பாட்டம் ஒன்றில் ஈடுபட்டனர்.
சுமார் ஆயிரக்கணக்கான ஊழியர்கள் கலந்துகொண்ட இவ் ஆர்ப்பாட்டத்தின் போது
பொலிஸாருடன் ஏற்பட்ட மோதலில், பலநூற்றுக்கணக்கான பொதுமக்களும், 15
பொலிஸாரும் காயமடைந்தனர். இதையடுத்தே பொலிஸார் கண்ணீர்ப்புகை குண்டுகளை
வீசி ஆர்ப்பாட்டத்தை கலைக்க முற்பட்டனர். இதனால் அப்பகுதியில் பரபரப்பு
ஏற்பட்டது. சுதந்திர வர்த்தக வலையமும் காலவரையரையின்றி மூடப்படுவதாக
அறிவிக்கப்பட்டது.
இந்நிலையில் சுதந்திர வர்த்தக வலய ஊழியர்கள் மீது நடத்தப்பட்ட
இத்தாக்குதல் மிலேச்சத்தனமனது என அகில இலங்கை தோட்ட தொழிலாளர் சங்கம்
கண்டனம் வெளியிட்டுள்ளது. இது குறித்து அதன் தலைவரும் முன்னாள் பாராளுமன்ற
உறுப்பினருமான இராமலிங்கம் சந்திரசேகரன் தெரிவிக்கையில், இச்சம்பவமானது
ஜனநாயக நாட்டில் தொழிலாளர்கள் தமது உரிமைக்காக குரல் கொடுப்பதை
நசுக்குவதாக உள்ளது.
ஆடைத்தொழில்ற்சாலையில் பணியாற்றும் பெண் பிள்ளைகள் தமது வருமானத்திற்கு
மற்றுமின்றி, தேசிய வருமானத்தையும் பெற்றுக்கொடுக்கின்றனர். அவர்களது
பணத்தில் வாழும் குண்டர்களும், சம்பளம் பெறும் பொலிஸாரும் அடக்குமுறையை
கட்டவிழ்த்து விட்டுள்ளனர்.

இவ் ஆர்ப்பாட்டங்களின் போது
காவற்துறையுடன் தீரத்துடன் முன்னின்று போராடியவர்களுக்கு எமது
நன்றிகளையும் பாராட்டுக்களையும் தெரிவித்துக்கொள்கிறோம் என்றார்.


இதேவேளை தற்காலிகமாக மூடப்பட்டிருக்கும் சுதந்திர வர்த்தக வலயம் நாளை
ஜூன் 2ம் திகதி மீண்டு திறக்கப்படவிருப்பதாக முதலீட்டு சபை நிறைவேற்று
பணிப்பாளர் சுனில் டி சில்வா தெரிவித்துள்ளார்.

இவ்வன்முறைகளில்
மூன்று தொழிற்சாலைகள் பெருமளவில் தேசமடைந்திருப்பதாகவும், பல கோடி ரூபாய்
நஷ்டமேற்பட்டுள்ளதாகவும் தொழிற்சங்கங்கள் சுட்டிக்காட்டியிருப்பது
குறிப்பிடத்தக்கது.