தலை சுற்றலை தவிர்க்கலாம்!

நமக்கு ஏற்படும் திடீர் அவஸ்தைகளில் ஒன்று, தலைச்சுற்றல்!"தலை சுற்றல் என்பது ஓர் நோயல்ல; நோய் வருவதற்கான அறிகுறி அவ்வளவே"

1.அதிக ரத்த அழுத்தம்:

ரத்த அழுத்தம் அதிகமாக இருந்தால் தலை சுற்றல் ஏற்படும். ரத்தஅழுத்த நோய் உள்ளவர்கள் இதை உணர்ந்துகொள்வர்.

செய்ய வேண்டியது:
இந்த மாதிரி நேரத்தில் எந்த இடத்தில்
இருக்கிறீர்களோ, அந்த இடத்திலேயே நீங்கள் செய்துகொண்டிருக்கும் வேலையை
நிறுத்திவிட வேண்டும். காபி அல்லது ஜூஸ் போன்ற பானம் அருந்தலாம்.
முடிந்தால், காற்றோற்றமான இடத்தில் படுத்து சிறிது ஓய்வு எடுக்கலாம்.

2. சர்க்கரை அளவு குறைதல்:

ரத்தத்தில் இருக்க வேண்டிய சர்க்கரை அளவு குறைவதாலும் தலைச்சுற்றல் ஏற்படும். இதற்கு 'ஹைப்போக்ளைசீமியா' என்று பெயர்.

செய்ய வேண்டியது:
இந்த மாதிரி தலைச்சுற்றல் ஏற்பட்டால்,
உடனடியாக 2 கரண்டி சர்க்கரையை தண்ணீரில் கலக்கி குடிக்க வேண்டும். சிறிது
நேரத்தில் தலைச்சுற்றல் நின்றுவிடும்.

3. உள்காதில் பிரச்சனை:

நாம் நடந்து செல்லும்போது, எந்த பக்கமும் சாய்ந்துவிடாமல் நேராமல்
செல்வதற்கு உறுதுணையாக் இருப்பது, உள் காதில் உள்ள உறுப்புகள்தான். எனவே,
காதின் உட்புறத்தில் பாதிப்பு இருந்தாலும் தலைச் சுற்றல் ஏற்படும்.

செய்ய வேண்டியது:
உடனடியாக ஓர் சிறந்த காது, மூக்கு, தொண்டை நிபுணரிடம் சென்று முறையான மருத்துவச் சிகிச்சை எடுத்துகொள்ள வேண்டும்.

பெண்களுக்கு...:

பெண்களை பொறுத்தவரை பல்வேறு காரணங்களினால் தலைச் சுற்றல் ஏற்படலாம்.
குறிப்பாக, ரத்தச் சோகையினாலோ அல்லது கர்ப்பத்தினாலோ தலைச் சுற்றல் ஏற்பட
வாய்ப்புள்ளது. காரணம் என்ன என்பதை அறிந்து முறையான மருத்துவச் சிகிச்சை
பெறுவது நல்லது.