போர்க்குற்றம் புரிந்த சிறிலங்கா இராணுவ தளபதிகளுக்கு வெளிநாடுகளில் இராஜதந்திர அந்தஸ்த்து ஏன்? : EECHR

by **மாலதி** Sat May 07, 2011 7:37 am

போர்க்குற்றத்துடன் நேரடியாக தொடர்புடைய, சிறிலங்காவின் முக்கிய
இராணுவத்தளபதிகள் பலருக்கு, ஐரோப்பிய நாடுகள் பாதுகாப்பு வழங்கியும்,
இராஜதந்திர அந்தஸ்த்து வழங்கிவருவதாகவும், அரசியல் சட்டவாக்கத்திற்கும்,
மனித உரிமைகளுக்குமான ஐரோப்பிய நிலையம் குற்றம் சாட்டியுள்ளது.

போர்க்குற்றம் புரிந்த சிறிலங்கா இராணுவ தளபதிகளுக்கு வெளிநாடுகளில் இராஜதந்திர அந்தஸ்த்து ஏன்? : EECHR Ecchr

போர்க்குற்றம் புரிந்த சிறிலங்கா இராணுவ தளபதிகளுக்கு வெளிநாடுகளில் இராஜதந்திர அந்தஸ்த்து ஏன்? : EECHR Ecchr

சிறிலங்கா இராணுவத்தின் 57 வது படையணி தளபதியாக இருந்த ஜகத் டயஸ்
போர்க்குற்றங்களுடன் நேரடியாக தொடர்புபட்டிருக்கிறார். ஐ.நா நிபுணர் குழு
அறிக்கை தெரிவிக்கும் 40 ஆயிரம் பொதுமக்கள் படுகொலைக்கு, அவரே முக்கிய
பொறுப்பாளி.

ஆனால் இவர் சிறிலங்கா அரசின் பேரினால், ஜேர்மனி
தலைநகர் பேர்னில் உள்ள ஜேர்மன் தூதரகத்திற்கு அனுப்பிவைக்கப்பட்டுள்ளார்.
ஜேர்மன், சுவிற்சர்லாந்து,வத்திகான் ஆகிய நாடுகளின் சிறிலங்கா
தூதரகங்களிலும் பணியாற்றி வருகிறார்.

இதே போன்று மேஜர் ஜெனரல்
சவேந்திர சில்வா நியூயோர்க்கில் உள்ள ஐ.நா நிரந்தர பிரதிநிதியாகவும்,
மேஜர் ஜெனரல் பிரசன்ன சில்வா பிரித்தானியாவில் உள்ள இலங்கை
தூரகத்திற்கும், மேஜர் ஜெனரல் உதய பெரேரா மலேசிய தூதரகத்திற்கும், மேஜர்
ஜெனரல் நந்த மல்லவராச்சி இந்தோனேசியா தூதரகத்திற்கும், மேஜர் ஜெனரல் அமல்
கருணசேகர எரித்திரியாவுக்கும், தூதர்களாக நியமிக்கப்பட்டுள்ளனர்.

இவர்கள்
தலைமையேற்று, கட்டளையின் படியே வைத்தியசாலை, தேவாலயங்கள், பொதுமக்கள்
தங்கியிருந்த இடங்களில் எறிகணை தாக்குதல்கள் நடந்தேறியதுடன், 40
ஆயிரத்திற்கு மேற்பட்ட பொதுமக்கள் கொல்லப்பட்டுள்ளனர்.

57 வது
படைப்பிரிவுதான், அப்பாவி பொதுமக்களை படுகொலை செய்தது என்பதற்கு ஆதார
பூர்வமான அறிக்கைகளும் சமர்ப்பிக்கப்பட்ட போதிலும் இதுவரை நீதியான
விசாரணைகள் இடம்பெறவில்லை.

இந்த விபரங்கள், 2011 ஜனவரி மாதம்
ஜேர்மன் சமஷ்டி வெளிவிவகார அமைச்சு, சுவிற்சர்லாந்து வெளிவிவகார அமைச்சு
என்பவற்றிற்கும் ஏப்ரல் மாதம் வத்திகான் வெளிவிவகார அமைச்சுக்கும்
வழங்கப்பட்டன.

இவர்களுக்கு வழங்கப்பட்டிருக்கும் இராஜதந்திர
விசாவை உடனடியாக ரத்து செய்யுமாறு தாம் இந்த மூன்று நாடுகளையும்
கேட்டுள்ளதாகவும் ஏனைய நாடுகளுக்கும் இந்த கோரிக்கையை முன்வைப்பதாகவும்
அந்த அமைப்பு சுட்டிக்காட்டியுள்ளது.