கோடை டிப்ஸ்

கோடை டிப்ஸ்







ஆர்.ஜெயலட்சுமி,திருநெல்வேலி


* உணவில் பச்சை வெங்காயம், வெள்ளரி, வாழைத்தண்டு, மோர், புதினா ஆகியவற்றைத் தவறாமல் சேர்த்துக்கொள்ள வேண்டும்.
*
வேப்பிலை, துளசி இவற்றை காயவைத்து பொடித்து வைத்துக்கொண்டு, நீரில் கலந்து
குளிக்கலாம். வியர்க்காமல் இருப்பதோடு, சரும வியாதிகளும், வெயில்
கொப்பளங்களும் வராது.
* மாதுளம் இலையை அரைத்துப் பூசிக் குளித்தால், வேனற் கட்டிகள், வியர்க்குரு ஆகியன நீங்கும். *
நா வறட்சி தணிய கொத்தமல்லி, கசகசா இரண்டையும் சிவக்க வறுத்து, அவற்றுடன்
பனைவெல்லம், ஏலக்காய்பொடி சேர்த்து கஷாயம் செய்து அருந்தினால் தாகம்
தீர்வதோடு பித்தமும் நீங்கும்.
* வெளியே கிளம்பும்போது அருநெல்லிக்காய் ஒன்றிரண்டை வாயில் போட்டு மெல்லுங்கள். நாக்கு உலர்ந்து போகாமல் இருக்கும்.
*
உச்சி வெயிலில் வெளியே போகும்போது, ஒரு துண்டு எலுமிச்சம் பழத்தையோ,
அல்லது ரோஜாப்பூவையோ கையில் கொண்டு செல்லவும். மயக்கம் வருவது போல்
இருந்தால், முகர்ந்து பார்த்துக் கொள்ளவும்.
* ஒரு நாள்
விட்டு ஒருநாள் இரவு வெந்தயத்தை மோரில் ஊறவைத்து அரைத்து மறுநாள் காலை
தலைக்குப் பூசிக் குளித்து வந்தால் உடல் குளிர்ச்சியாக இருக்கும்.
* இளம் பச்சை நிற கர்ட்டன்களை வீட்டின் ஜன்னலில் தொங்க விடுவது குளிர்ச்சி தரும்.
* உடலின் வியர்வையை வெளியேற்றக்கூடிய பருத்தி துணிகளால் ஆன ஆடைகளை அணிந்து கொள்ள வேண்டும்.
* மோரை அடிக்கடி குடிப்பதால் வெயிலினால் ஏற்படும் நரம்புத் தளர்ச்சி சரியாகும்.

http://www.dinamani.com/edition/story.aspx?&SectionName=Kadhir&artid=403316&SectionID=146&MainSectionID=146&SEO=&Title=%E0%AE%95%E0%AF%8B%E0%AE%9F%E0%AF%88%20%E0%AE%9F%E0%AE%BF%E0%AE%AA%E0%AF%8D%E0%AE%B8%E0%AF%8D