மீண்டும் பயங்கர நிலநடுக்கம் : ஜப்பான் அதிர்ந்தது : ராட்சத அலையுடன் கடல் பொங்கியது

by **ஜனனி** Fri Mar 11, 2011 1:12 pm

டோக்கியோ : ஜப்பானில் இன்று பயங்கர நில நடுக்கம் ஏற்பட்டது. தொடர்ந்து
பசிபிக் கடலோர பகுதிகளில் சுனாமி எச்சரிக்கை விடப்பட்டுள்ளது. நிலநடுக்கம்
காரணமாக டோக்கியோவை (250 கி.மீட்டர் தொலைவில் ) ஒட்டிய பகுதிகளில் பலர்
வீடுகளை இழந்து வீதிகளில் தஞ்சம் புகுந்துள்ளனர்.
இன்று ஜப்பானின் வட கிழக்கு கடலோர பகுதிகளில் ஏற்பட்ட இந்த நிலநடுக்கம் 8.
8 ரிக்டர் அளவாக பதிவாகியிருக்கிறது. இந்த நடுக்கம் காரணமாக
நூற்றுக்கணக்கான வீடுகள் குலுங்கி தரைமட்டமாகின. சில இடங்களில் இடிந்த
கட்டடங்கள் தீப்பற்றியும் எரிகிறது. மியாகி தீவு பகுதியில் ராட்சத அலை
காரணமாக தண்ணீர் வீடுகளில் புகுந்து மூழ்கின. இதனால் விமான நிலையங்கள்
மூடப்பட்டடன.

இந்த நிலநடுக்கத்தை அடுத்து சுனாமி எச்சரிக்கை விடப்பட்டுள்ளது. உயர்ந்த
பட்ச எச்சரிக்கையுடன் இருக்குமாறு கேட்டுக்கொள்ளப்பட்டுள்ளனர்.

சுமார் 6 மீட்டர் ( 20 அடி உயரத்திற்கு) ராட்சத அலை இருக்கும் என்றும்
இதன் காரணமாக ஜப்பானில் மியாகி தீவின் கடலோர பகுதிகள் கடும் பாதிப்பை
சந்திக்கும் என்றும் எச்சரிக்கையில் தெரிவிக்கப்பட்டுள்ளது. கடலோர மக்கள்
வெளியேறுமாறு கேட்டுக்கொள்ளப்பட்டுள்ளனர்.
ஜப்பானில் இந்த ஒரு வார காலத்திற்குள் இது 2 வது பெரிய நிலநடுக்கம் ஆகும்.
இன்றைய நடுக்கத்தில் ஏற்பட்ட உயிர்ச்சேதம் குறித்த விவரங்கள் இன்னும்
வரப்படவில்லை. உயிர்ப்பலி அதிகம் இருக்கும் என அஞ்சப்படுகிறது.
ஜப்பானில்
ஏற்பட்டுள்ள இந்த நிலநடுக்கம் காரணமாக போன், மின்சாரம் அனைத்தும் தடை
பட்டு விட்டன. கடலோர பகுதிகளில் நூற்றுக்கணக்கான கார்கள் , வீடுகள்
மிததந்து சென்ற வண்ணம் உள்ளது. கடந்த 13 ஆண்டு காலத்தில் இன்று நடந்த
‌பூகம்பம் பெரும் தாக்கத்தை ஏற்படுத்தியிருக்கிறது.
இந்த பூகம்பத்தை அடுத்து இந்தோனேசியா மற்றும் பிலிப்பைன்ஸ் , கடலோர பகுதிகளில் சுனாமி எச்சரிக்கை விடப்பட்டுள்ளது.

by **அருள்** Fri Mar 11, 2011 7:34 pm

ஜப்பான் - டோக்கியோ நகரில் ஏற்பட்ட 8.8 ரிச்டர் அளவான நிலநடுக்கம் காரணமாக
அங்கு சுனாமி ஏற்பட்டுள்ளதாக ஜப்பானிய ஊடகங்கள் தகவல் வெளியிட்டுள்ளன.

ஜப்பானிய தொலைக்காட்சி ஒன்றின் தகவலின் படி ஏற்பட்ட சுனாமியினால்
கட்டடங்கள் மற்றும் வாகனங்கள் நீரில் மூழ்கியுள்ளதாக தெரிவிக்கப்படுகிறது.
ஆயிரக்கணக்கான கார்கள் கடல் நீரில் அடித்து செல்லப்பட்டதனை சற்றலைற் படம்
காட்டியதாக கூறப்படுகின்றது.

ஜப்பானின் வடகிழக்கு பகுதியில் இலங்கை நேரப்படி இன்று காலை அதிகாலை 12.46
அளவில் 8.8 ரிச்டர் அளவில் நிலநடுக்கமொன்று பதிவாகியிருந்ததாக அமெரிக்க
புவியியல் ஆய்வு மையம் தெரிவித்துள்ளது.

சுமார் 6 மீற்றர் உயரத்திற்கு கடல் நீர் உட்புகுந்துள்ளதாக டோக்கிய
நகரிலிருந்து 400 கிலோமீற்றருக்கு அப்பால் 20 மைல் கடலுக்கு அடியில் இந்த
நிலநடுக்கம் மையம் கொண்டுள்ளது.

லைவ் வீடியோ [You must be registered and logged in to see this link.]

இந்த நிலநடுக்கம் மற்றும் சுனாமியினால் ஏற்பட்ட உயிரிழப்புக்கள் மற்றும்
ஏனைய பொருட் சேதவிபரங்கள் குறித்து இதுவரை தகவல்கள் எதுவும்
வெளியிடப்படவில்லை. இதேவேளை, கடந்த இரு தினங்களாக ஜப்பானில் பாரிய
நிலநடுக்கங்கள் பதிவாகியிருந்தமை குறிப்பிடத்தக்கது.

மீண்டும் பயங்கர நிலநடுக்கம் : ஜப்பான் அதிர்ந்தது : ராட்சத அலையுடன் கடல் பொங்கியது

மீண்டும் பயங்கர நிலநடுக்கம் : ஜப்பான் அதிர்ந்தது : ராட்சத அலையுடன் கடல் பொங்கியது

Re: மீண்டும் பயங்கர நிலநடுக்கம் : ஜப்பான் அதிர்ந்தது : ராட்சத அலையுடன் கடல் பொங்கியது