படம் சொல்லும் செய்தி

by **mmani** Fri Feb 25, 2011 12:28 pm

தரமணி - வேளச்சேரி ஒரு வழிப்பாதை சாலை
போக்குரவரத்திற்கு லாயக்கற்று காட்சியளிக்கிறது. இதனால், வாகன ஒட்டிகள்
தவித்து வருகின்றனர். எனவே, சாலை விரிவாக்கப்பணிகளில்
நெடுஞ்சாலைத்துறையினர் தீவிரம்காட்ட வேண்டும்.
கல்பாக்கம் அடுத்த கூவத்தூர் பஜார் சாலை குண்டும் குழியுமாக உள்ளது.
சென்னை பை-பாஸ் சர்வீஸ் சாலை போக்குவரத்திற்கு
லாயக்கற்றதாக மாறிவிட்டது. தார்பாய் போடாமல் ஓவர் லோடு ஏற்றிச்செல்லும்
லாரிகளில் இருந்து கொட்டும் ஜல்லி கற்கள் இச்சாலை முழுவதும் பரவி
கிடக்கிறது. இதில், இருசக்கர வாகன ஓட்டிகள் சறுக்கி விழுந்து விபத்துக்களை
சந்திக்கின்றனர்.
விருதுநகர் ராமமூர்த்தி ரோட்டில், ரயில்வே கேட்
அருகே, குடிநீர் குழாய் "வால்வு' தொட்டியை மூடுவதற்கு நகராட்சியில்
வருவாய் இல்லையோ... அதை சுற்றி கம்புகளை கட்டி வைத்துள்ளனர்.
கோவை-மேட்டுப்பாளையம்ரோடு தினம் தினம்
அவதிப்படுத்துகிறது. சீரமைப்புப்பணி எப்போதும் முடியும் என ஏங்கதுவங்கி
விட்டனர்.இப்பகுதி பொதுமக்கள்.
இது வனம் அல்ல.. திருப்பூர் மாவட்டம் உடுமலை
அருகே குடிமங்கலத்தில் கட்டப்பட்ட போலீசார் குடியிருப்பு பராமரிப்பின்றி
பாழடைந்து வனப்பகுதி போல் உள்ளது.
தஞ்சை - நாகை மெயின் ரோட்டில் தொம்பன்குடிசை
அருகே பாதாள சாக்கடை மூடிகள் வாய்பிளந்து கிடக்கிறது. இதனால், இவ்வழியே
மிகுந்த போக்குவரத்து இடையூறு ஏற்படுவது இல்லாமல் இரவு நேரங்களில்
அதிகளவில் விபத்துக்கள் நடக்கிறது. சம்மந்தப்பட்ட அதிகாரிகள் விரைந்து
நடவடிக்கை எடுக்க வேண்டும்.
திருவண்ணாமலையில் இருந்து புதுப்பாளையத்துக்கு
செல்ல போதிய பஸ் வசதியில்லதால் பஸ் கூரை மீதும், படியில் தொங்கியபடியும்
பயணிகள் செல்வதால், விபத்து நடக்கும் அபாயம் ஏற்பட்டுள்ளது.
பழநி அருகே பாலாறு அணை குழந்தைகள் அங்கன்வாடி மையம் புதர் செடிகளுக்குள் பாதுகாப்பற்ற நிலையில் உள்ளது.
வனத்துறையின் கண்காணிப்பு பணி மேற்கொள்ள வேண்டிய படகில் சுற்றுலா வரும் வி.ஐ.பி.,கள் தீவுகளை
பார்வையிட பயன்படுத்தி வருகின்றனர். குருசடை தீவு.