பாக்.கில் நடந்தது தாவூத் இப்ராஹிம் 2-வது மகள் திருமணம்

by **ஜனனி** Tue Feb 15, 2011 7:51 am

மும்பை:மும்பை தொடர் குண்டு வெடிப்பு வழக்கின் முக்கிய
குற்றவாளியான நிழல் உலக தாதா தாவூத் இப்ராஹிம் இரண்டாவது மகளுக்கும்
பாகிஸ்தான் வாழ் அமெரிக்காவைச்‌சேர்ந்தவருக்கும் பாகிஸ்தான் கராச்சி
நகரில் திருமணம் நடந்ததாகவும். இதில் பாகிஸ்தான் ராணுவ உயரதிகாரிகள்,
ஐ.எஸ்.ஐ. அமைப்பு அதிகாரிகள், குடும்ப உறுப்பினர்கள், முக்கிய நண்பர்கள்
மட்டுமே கலந்து கொண்டதாகவும் தகவல்கள் வெளியாகியுள்ளன. மும்பையில் கடந்த
1993-ம் ஆண்டு மார்ச் மாதம் தொடர் குண்டுவெடிப்பு சம்பவங்கள் நடந்தன.
இதில் 300-க்கும் மேறபட்டோர் பலியாயினர். இந்த கொடூர செயல்களுக்கு முளையாக
இருந்தது நிழல் உலக தாதா தாவூத் இப்ராஹிம் என தெரியவந்தது. இது தொடர்பாக
தாவூத் இப்ராஹிம் மீது பல்வேறு வழக்குகள் உள்ளன. தற்போது துபாயில் இருந்து
கொண்டு தமது சட்டவிரோத செயல்களை அரங்கேற்றி வருவதாக கூறப்படுகிறது.
இதைத்தொடர்ந்து அமெரிக்காவினால் சர்வதேச பயங்கரவாதியாக போலீசாரால்
தேடப்பட்டு வந்தான். இந்நிலையில் தாவூத் இப்ராஹிமின் இரண்டாவது மகள்
மஹிரீனுக்கும், பாகிஸ்தான் வாழ் அமெரிக்கர் அயூப் என்பவருக்கும் கடந்த
4-ம் தேதி தாவூத் இப்ராஹிம் சொகுசு மாளிகையான பலசியல் மாளிகையில்
நடந்ததாகவும், இதில் முக்கிய தொழிலதிபர்கள் ,குடும்ப உறுப்பினர்கள் ,
பாகிஸ்தான் ராணுவ உயர் அதிகாரிகள், ஐ.எஸ்.ஐ. அதிகாரிகள்,மற்றும்
தாவூத்தின் நெருங்கிய கூட்டாளியான சோட்ட ஷாகீல், தாவூத்தின் சம்பந்தியும்,
பாகிஸ்தான் முன்னாள் கிரிக்கெட் அணி வீரரான ஜாவித்மியான்தத் ஆகியோர்
மட்டும் ‌கலந்துகொண்டுள்ளனர். தாவூத்திற்கு மனைவி நான்கு மகள்கள்,ஒரு மகன்
உள்ளனர். இதில் முதல் மகள் மஹரூப், பாகிஸ்தானில் முன்னாள் கிரிக்கெட்
வீரர் ஜாவித் மியான்தத் மகனுக்கு திருமணம் செய்து ‌வைத்துள்ளார். ஒரு மகள்
மலேரியா காய்ச்சலினால் பாகிஸ்தானி்ல் இறந்தார். தனது இரண்டாவது மகள்
மஹிரீன் திருமணத்தை வரும் மே மாதம் நடத்த ஏற்பாடு செய்திருந்ததாகவும்,
கடந்த சில மாதங்களுக்கு முன் தாவூத் இப்ராஹமிற்கு லேசான மாரடைப்பு
ஏற்பட்டது. அதற்காக சிகிச்ச‌ை எடுத்து வந்ததாகவும் அதன் காரணமாகவே
திருமணத்தை பிப்ரவரி 4-ம் தேதியே முடித்துவிட்டதாக கூறப்படுகிறது.
முன்னதாக மும்பை போலீசார் தாவூத் பாகிஸ்தானில் , ஐ.எஸ்.ஐ. பாதுகாப்புடன்
பதுங்கியிருப்பதாக அந்நாட்டு அரசிடம் பலமுறை எடுத்துக்கூறியும்
,பாகி்ஸ்தான் மறுத்துவருகிறது. தற்போது இந்த ரகசிய திருமணம் நடந்திருப்பது
இந்தியா கூறுவது உண்மையாகியுள்ளதாக செய்திகள் தெரிவிக்கின்றன.