தமிழ்நாட்டைச் சேர்ந்த 21 மாணவர்கள் பீகாருக்கு கடத்தல்.

by **மாலதி** Sat Feb 05, 2011 7:45 am

திண்டுக்கல், பிப்.2
திண்டுக்கல் அருகே உள்ள ஜம்புயம்பட்டியைச் சேர்ந்தவர் செய்யதுகாசிம். இவரது மகன் செய்யதுவாசீம். திண்டுக்கல்லில் உள்ள ஒரு தனியார் பள்ளியில் 8ம் வகுப்பு படித்து வந்தான்.
கடந்த ஆண்டு அக்டோபர் மாதம் பள்ளிக்குச் சென்ற செய்யதுவாசீம் மீண்டும் வீடு திரும்பவில்லை.
இந்த நிலையில், செய்யது காசிம் செல்போனுக்கு திண்டுக்கல் பஸ் நிலையத்தில் உள்ள ஒரு ரூபாய் காயின் போனில் இருந்து செய்யது வாசீம்பேசி உள்ளான்.
அப்போது தன்னை 2பேர் வலுக்கட்டாயமாக கடத்திச் செல்லுகிறார்கள் என்று கூறிக் கொண்டு இருக்கும்போதே போன் இணைப்பு துண்டிக்கப்பட்டு விட்டது.
உடனே செய்யதுகாசிம் தனது உறவினர்களுடன் ஒரு ஆட்டோவில் திண்டுக்கல் விரைந்து வந்தார். ஆனால் மகனை கண்டுபிடிக்க முடியவில்லை.
இந்த நிலையில், கடந்த 28ந் தேதி செய்யது காசிமுக்கு 09531548259 என்ற எண்ணில் இருந்து ஒரு போன் வந்தது. அதில் பேசிய ?மர்ம? நபர் உனது மகன் செய்யதுவாசீம் பீகாரில் என்னிடம்தான் இருக்கிறான். அவனை பழனியில் உள்ள புரோக்கரிடம் 50 ஆயிரம் ரூபாய் கொடுத்து வாங்கி இருக்கிறேன்.
அவனைப் பார்க்க வேண்டும் என்றால் ரூ.50 ஆயிரத்துடன் வா என்று போனை வைத்து விட்டான்.
போலீசார் செய்யது காசிம் இணைப்புக்கு வந்த போன் நம்பருக்கு தொடர்பு கொண்டபோது, அந்த நம்பர் துண்டிக்கப்பட்டு இருப்பதாக தெரிந்தது.
இந்த நிலையில், தேனி மாவட்டம் போடி பி.வி.கே.கே.நகரைச் சேர்ந்த மனோஜ்குமார் என்ற சிறுவனும் பீகாருக்கு கடத்தப்பபட்டு இருப்பதாக திண்டுக்கல் போலீசாரிடம் அவனது தாயார் ராணி புகார் செய்தார்.
கடந்த ஆண்டு மட்டும் இதேபோன்று திண்டுக்கல், தேனி, பழனி உள்பட தமிழகம் முழுவதும் 21 சிறுவர்கள் மாயமாகி இருப்பது போலீசார் விசாரணையில் தெரியவந்தது