அரசு,புலிகள் இரு தரப்பு மீதும் சாடல்கள்: விக்கிலீக்ஸ்

by **logu** Sun Dec 19, 2010 12:06 pm

இலங்கை தொடர்பாக அமெரிக்க தூதர்களால்
பகிரப்பட்ட ஆவணங்களில், ராகபக்ஷே அரசு மற்றும் விடுதலைப்புலிகள் ஆகிய இரு
தரப்பையும் மிகக் கடுமையாக விமர்சிக்கப்பட்டுள்ளது விக்கிலீக்ஸ்சின்
அண்மைய கசிவு மூலம் தெரிய வந்துள்ளது.


google_protectAndRun("ads_core.google_render_ad", google_handleError, google_render_ad);

கடந்த மூன்று ஆண்டுகளுக்கு முந்தைய
அமெரிக்க தூதரக ஆவணங்களில், இலங்கை துணைப் படையினரின் கொலை, சிறார்
கடத்தல் மற்றும் பாலியல் தொழில் உள்ளிட்ட செயல்களில் அரசும் உறுதுணையாக
இருந்துள்ளது தெரியவந்துள்ளது.
கருணா, டக்ளஸ்...
புலிகளுக்கு எதிராக செயல்பட்ட தமிழ் ஆயுதக்குழுக்களின் சட்டவிரோத செயல்களுக்கு இலங்கை அரசு ஆதரவளித்துள்ளது.
அத்தகைய ஆயுதக் குழுக்களை நடத்தியவர்களில்
இருவர், தற்போது இலங்கை அரசின் அமைச்சர்களாக இருக்கிறார்கள் என டக்ளஸ்
தேவானந்தா மற்றும் கருணா என்கிற விநாயகமூர்த்தி முரளிதரன் ஆகியோர்
சுட்டிக்காட்டப்பட்டுள்ளனர்.
இந்தக் குழுக்களில் ஒன்று, முகாம்களில்
வேலை செய்வதற்காக சிறுவர்களை கடத்தியதாகவும், சிறுமிகளை விபச்சாரத்தில்
ஈடுபடுத்துவதற்காக கடத்தியதாகவும் கூறப்பட்டுள்ளது.
புலிகள்...
விடுதலைப் புலிகள் தமது படைகளுக்கு
கட்டாயப்படுத்தி ஆட்களைச் சேர்ததது, குடும்பத்துக்கு ஒருவரை படையில்
கட்டாயப்படுத்தி சேர்த்தது, வெளிநாடுகளில் வேலைக்கு சென்ற தங்களின்
பிள்ளைகளை மீண்டும் இலங்கைக்கு அழைத்து, ஆயுதம் ஏந்த வைக்க மறுக்கும்
குடும்பத்தினரை மிரட்டியது உள்ளிட்ட பாதகச் செயல்களில் ஈடுபட்டதாக
விக்கிலீக்ஸ கசிய விட்ட அமெரிக்க தூதரகப் பகிர்வுகள் கூறுகின்றன.