நாடுகடந்த தமிழீழ அரசாங்கத்தின் இரண்டாவது அமர்வு நியூயோர்க்கில் ஆரம்பமாகியது.

திகதி:29.09.2010
நாடுகடந்த தமிழீழ அரசாங்கத்தின் இரண்டாவது அமர்வு இன்று அமெரிக்காவின் நியூயோர்க் மானிலத்தில் ஆரம்பமாகியது.

நியூயோர்க்கிலுள்ள மிலேனியம் யு.என் பிளாசா ஹொட்டேலில் (Millenium UN
Plaza Hotel,) ஆரம்பமாகியுள்ள இந்த வரலாற்றுச்சிறப்பு மிக்க ஜனநாயக
முறையில் உருவாகிய தமிழர்களின் முதலாவது அரசாங்கமாகிய நாடுகடந்த தமிழீழ
அரசாங்கம் தனக்கான யாப்பை வெளியிட்டு அதனூடாக ஒரு அங்கீகரிக்கப்பட்ட
அரசாங்கமாக அமையப்பெறவுள்ளது. நியூயோர்க்கிலுள்ள ஐக்கிய நாடுகள் தலைமைச்
செயலகத்தின் முன்பாக அமைந்துள்ள இந்த மிலேனியம் யு.என் பிளாசா ஹொட்டேலில்
ந்டைபெறும் வரலாற்றுச்சிறப்பு மிக்க இந்த நிகழ்வு மேலும் ஒரு வரலாற்றைப்
படைப்பதாக அமைகிறது.

இன்று நியூயோர்க் நேரம் காலை 11:00 மணிக்கு ஆரம்பமான இந்த நிகழ்வில்
முதலாவதாக இதுவரை காலமும் தாயகவிடுதலைப் போரில் வீரச்சாவை தழுவிய
மாவீரர்களுக்கும், அனியாயமாக படுகொலை செய்யப்பட்ட பொதுமக்களுக்குமாக
அகவணக்கம் செலுத்தப்பட்டு இரண்டாவது அமர்வு ஆரம்பிக்கப்பட்டுள்ளது.

இன்றைய இந்த நிகழ்வில் அகவணக்கத்தை தொடர்ந்து மாவீரர்கள் நினைவாக
வைக்கப்பட்டிருந்த கல்லறைக்கு அனைவரும் மலர்வணக்கம் செலுத்தினர்.

மலர்வணக்க நிகழ்வை தொடர்ந்து பேராசிரியர் திரு.செல்வநாதன் அவர்கள்
நிகழ்வை ஆரம்பித்து வைத்து உரையாற்றினார். அதனைத் தொடர்ந்து கொலம்பியா
பல்கலைக்கழகத்தின் பேராசிரியரும், ஐக்கிய நாடுகள் சபையின் ஆலோசகரும்,
அமெரிக்க இராஜாங்க திணைக்களத்தின் ஆலோசகராகவும் இருந்த திரு. டேவிட்
பிலிப்ஸ் அவர்களின் உரை நடைபெற்றது.

அவர் அங்கு உரையாற்றுகையில் தமிழீழ விடுதலைப் போராட்டத்தை எடுத்து
முன்செல்லக்கூடிய யுக்திகள் பற்றி தான் வரும்போது இராஜாங்க திணைக்கள
அதிகாரிகளுடனும், ஸ்கண்டிநேவிய திணைக்கள அதிகாரியுடனும் கதைத்ததாகவும்,
அவர்கள் தமிழ்மக்களுக்கு நடந்த அநீதியை நங்கு தெரிந்துவைத்திருக்கிறார்கள்
என்றும், தமிழ் மக்களின் நல்வாழ்விற்காக ஏதேனும் செய்யவேண்டும் என்ற
ஆர்வத்துடன் அவர்கள் இருப்பதாகவும் கூறினார். அத்தோடு தமிழ்மக்களின்
நலனில் அக்கறை கொண்டு கொலம்பியா பல்கலைக்கழகத்தின் மனித உரிமை பீடம்
நாடுகடந்த தமிழீழ அரசாங்கத்துடன் இணைந்து சேவைசெய்வதற்கு தயாராக
இருப்பதாகவும் கூறினார். அவரைத் தொடர்ந்து இன்னும் சில முக்கிய
பிரமுகர்களின் உரை நடைபெறவுள்ளது.

முக்கிய பிரமுகர்களின் உரையை தொடர்ந்து நாடுகடந்த தமிழீழ அரசாங்க
பிரதிநிதிகள் முன்னிலையில் அதன் இடைக்கால நிறைவேற்றுனர் திரு.விஸ்வநாதன்
ருத்திரகுமார் அவர்கள் இடைக்கால நிர்வாக சபையால் தயாரிக்கப்பட்ட யாப்பை
முன்வைத்து அதனை தெளிவுபடுத்துவார். அதன் பின் அந்த யாப்பு தொடர்பான
விவாதங்கள் இடம்பெற உள்ளன.

சிங்களத்தின் சதி வலைக்குள் சிக்காது, தேசியத் தலைவர் வே.பிரபாகரனைப் போல் சுயநலமற்று , ஈழத் தமிழர்களின் ஈழக் கனவை நனவாக்க செயல்பட வேண்டும்,என வாழ்த்துகிறோம்.

sakthy wrote:சிங்களத்தின் சதி வலைக்குள் சிக்காது, தேசியத் தலைவர் வே.பிரபாகரனைப் போல் சுயநலமற்று , ஈழத் தமிழர்களின் ஈழக் கனவை நனவாக்க செயல்பட வேண்டும்,என வாழ்த்துகிறோம்.