வரிவிலக்குகளை குறைக்க மத்திய அரசு அதிரடி

வரிவிலக்குகளை குறைக்க மத்திய அரசு அதிரடி

மத்திய அரசு அளித்து வரும் வரி விலக்குகளால், ஆண்டுக்கு, இரண்டு லட்சம் கோடி ரூபாய் இழப்பு ஏற்படுவதாகவும், இதை படிப்படியாக குறைத்து, வரி விலக்குகளை முழுமையாக நீக்க வேண்டும் என்றும், நிதியமைச்சகம் கூறியுள்ளது.

மத்திய நிதியமைச்சர் அருண் ஜெட்லி, 29ல், பொது பட்ஜெட்டை தாக்கல் செய்கிறார். கிராமப்புற மற்றும் நகர்ப்புறங்களை சேர்ந்த சாதாரண மக்களின் வாழ்க்கைத் தரத்தை மேம்படுத்த, பல்வேறு திட்டங்களை மத்திய அரசு செயல்படுத்தி வருகிறது. முழுவதுமாக அகற்ற…இதற்கு போதிய நிதியாதாரம் இல்லாமல் சிரமப்பட்டு வரும் அரசு, எரிபொருட்கள் மீதான மானியங்களை குறைத்து வருகிறது. அதேபோன்று, வரி விலக்குகளையும் படிப்படியாக குறைத்து, முழுவதுமாக அகற்ற, அரசு திட்டமிட்டுள்ளது.
இதுகுறித்து, வருவாய்த்துறை செயலர் ஹஸ்முக் அதியா, டில்லியில், நிருபர்களிடம் நேற்று கூறியதாவது:நேரடி வரிவிதிப்பில் அளிக்கப்படும் விலக்குகளால், ஆண்டுக்கு, ஒரு லட்சம் கோடி ரூபாய் இழப்பு ஏற்படுகிறது. மறைமுக வரி விதிப்பில் தரப்படும் விலக்குகளால், மேலும், ஒரு லட்சம் கோடி ரூபாய் இழப்பு உண்டாகிறது. வரிவிலக்கு அளிப்பதற்கான காரணம், மேன்மையானதாக இருந்தாலும், வரிவிதிப்பு நடைமுறையை,
முற்றிலும் சீர்குலைப்பதாக உள்ளது. வரி விலக்குகள் அளிக்கப்படா விட்டால், வருமான வரியை குறைக்க வாய்ப்பு ஏற்படும். உள்நாட்டு உற்பத்தியாளர்கள் உட்பட, அனைவரும், சம அளவில் நடத்தப்படும் சூழல் உண்டாகும்.
சிறப்பான சூழ்நிலைவரி விலக்குகளை, உடனடியாக, முழுவதும் அகற்றி விட முடியாது. இருப்பினும், வரி விலக்குகளின் எண்ணிக்கையை படிப்படியாக குறைத்து வந்தால், அரசுக்கு ஏற்படும் இழப்பு, கணிசமாக குறையும். இதன் தொடர்ச்சியாக, வரி விகிதங்களை குறைக்கும் சிறப்பான சூழ்நிலைக்கு முன்னேற முடியும். வரி விலக்குகள், ஏற்றத்தாழ்வை ஏற்படுத்துகின்றன. தற்போது வரி செலுத்தி வரும் பிரிவுக்கும், புதிதாக சலுகை அளிக்கப்படும் பிரிவுக்கும் இடையே, சமமற்ற நிலை காணப்படுகிறது. மேலும், சிறு மற்றும் பெரு நிறுவனங்கள் என்பதிலும், பாரபட்ச நிலை உண்டாகிறது. எளிமைப்படுத்த…வரி விலக்குகளை அகற்றினால், வருவாய் அதிகரிப்பதோடு, மொத்த உள்நாட்டு உற்பத்தி விகிதமும் உயரும். பொது பட்ஜெட்டில், வரிகளை நியாயமானதாக மாற்றவும், எளிமைப்படுத்தவும் திட்டமிடப்படும். வளர்ச்சிக்கு முக்கியத்துவம்
தரப்படும். ‘மேக் இன் இந்தியா’ திட்டத்தை ஊக்குவிக்கும் வகையில், உள்நாட்டு உற்பத்தியாளர்களுக்கு, சிறப்பான களம் அமைத்து தரப்படும். இவ்வாறு ஹஸ்முக் அதியா கூறினார்.

முதலீட்டை பெருக்கும் வழி!

வருவாய்த்துறை செயலர் ஹஸ்முக் அதியா கூறியதாவது:அன்னிய முதலீடுகளை அதிகரிக்க, மத்திய, மாநில அரசுகள் விதிக்கும் பன்முக வரி முறை ஒழிக்க வேண்டும். இதற்கு ஒரே வழி, ஜி.எஸ்.டி., எனப்படும், சரக்கு மற்றும் சேவை வரி.ஜி.எஸ்.டி.,யை அமல்படுத்துவதால், நாடு முழுவதும் ஒரே மாதிரியான, வரி விதிப்பு முறை நடைமுறைக்கு வரும். கலால், சேவை, விற்பனை, ஆக்ட்ராய் உள்ளிட்ட அனைத்து வரிகளையும் உள்ளடக்கியதாக ஜி.எஸ்.டி., திகழும்.

வரி வளையம் பெரிசாகணும்!

நாட்டின் மொத்த மக்கள் தொகையில், 3.5 சதவீதம் பேரே வரி செலுத்துகின்றனர். இந்த எண்ணிக்கையை அதிகரிக்க, வருமான வரித்துறை பல்வேறு நடவடிக்கைகளை மேற்கொண்டு வருகிறது. நாடு முழுவதும், ஒவ்வொரு ஆண்டும், நான்கு கோடி பேர், வருமான வரி கணக்கு தாக்கல் செய்கின்றனர். மேலும், இரண்டு கோடி பேர், டி.டி.எஸ்., எனப்படும், சம்பளத்தில் வரி பிடித்தல் முறையில் வரி செலுத்துகின்றனர். நேர்முக வரி தொடர்பாக, 3.4 லட்சம் வழக்குகளும், மறைமுக வரி தொடர்பாக, 1.36 லட்சம் வழக்குகளும் தேங்கிக் கிடக்கின்றன. இவற்றை குறைக்க, வரித்துறை தீவிர நடவடிக்கை மேற்கொண்டுள்ளது.