இலங்கை அரசாங்கத்துக்கும் பொதுபலசேனாவுக்கும் நெருங்கிய தொடர்பு: அமெரிக்கா

இலங்கை அரசாங்கத்துக்கும் பொதுபலசேனாவுக்கும் நெருங்கிய தொடர்பு: அமெரிக்கா
29 07 2014
இலங்கை அரசாங்கத்துக்கும் பொதுபலசேனாவுக்கும் இடையில் வலுவான தொடர்புகள் இருப்பதாக அமெரிக்கா குற்றம் சுமத்தியுள்ளது.

இலங்கையின் ஊடகம் ஒன்றை கோடிட்டு அமெரிக்க ராஜாங்க திணைக்களம் நேற்று வெளியிட்ட 2013 ஆம் ஆண்டுக்கான சர்வதேச மதசுதந்திரம் தொடர்பான அறிக்கையில் இந்த விடயம் குறிப்பிடப்பட்டுள்ளது.

இலங்கையில் முஸ்லிம்களுக்கு எதிரான நடவடிக்கைகளுக்காக பொதுபலசேனாவுக்கு அதிக ஆதரவு கிடைத்துள்ளது.

அமெரிக்க ராஜாங்க செயலாளர் ஜோன் கெரியினால் வெளியிடப்பட்ட அறிக்கையில், பொதுபலசேனா உட்பட்ட பௌத்த அமைப்புக்கள் முஸ்லிம்களுக்கு எதிரான நடவடிக்கைகளில் ஈடுபட்டுள்ளதாக தெரிவிக்கப்படடுள்ளது.

மிருக படுகொலை, ஹலால் சான்றிதழ் உட்பட்ட விடயங்களை முன்வைத்து பள்ளிவாசல்கள் மீது தாக்குதல்கள் நடத்தப்பட்டுள்ளன.

இலங்கை அரசாங்கம் மதசுதந்திரத்துக்கு அங்கீகாரம் வழங்கியுள்ள போதும், சில இடங்களில் இந்த சுதந்திரம் மீறப்பட்டுள்ளதாக அமெரிக்கா அறிக்கையில் குறிப்பிடப்பட்டுள்ளது.

சாட்சியங்களின்படி பள்ளிவாசல்கள் மற்றும் தேவாலயங்கள் மீது நடத்தப்படும் தாக்குதல்கள் காரணமாக சிறுபான்மை சமூகத்தினர் மத்தியில் பயம் ஏற்பட்டுள்ளது.

இதேவேளை குறித்த சம்பவங்கள் தொடர்பில் இலங்கையில் உள்ள அமெரிக்கா தூதரகம் தொடர்ந்தும் இலங்கை அரசாங்கத்துக்கு அழுத்தங்களை கொடுத்து வருவதுடன், குற்றவாளிகளை தண்டிக்குமாறும் வலியுறுத்தி வருகிறது என்றும் அமெரிக்க அறிக்கையில் குறிப்பிடப்பட்டுள்ளது.

ரொம்ப லேட்டா சொல்றாங்க