யேர்மனியில் அதிவேக பாதையில் தமிழின அழிப்பு நாள் கவனயீர்ப்பு பதாகை

by **logu** Mon May 19, 2014 7:43 am

யேர்மனியில் அதிவேக பாதையில் தமிழின அழிப்பு நாள் கவனயீர்ப்பு பதாகை
விசேட செய்தி

யேர்மனியில் அதிவேக பாதையில் தமிழின அழிப்பு நாள் கவனயீர்ப்பு பதாகை 10169277_646049845480643_3906947783623388550_n

கவனயீர்ப்பு பதாகை
தமிழின அழிப்பு நாள் நினைவு சுமந்து பேர்லின் நகரில் பல்லாயிரக்கணக்காக மக்கள் வாகனத்தில் செல்லும் அதிவேக பாதையை மையமாக கொண்டு கவனயீர்ப்பு பதாகை கட்டப்பட்டது.

“சிறிலங்காவின் இன அழிப்பு அரசியலை புறக்கணிப்பு செய்”, “தமிழின அழிப்பு நாள் மே 18″, “146 679 ஈழத்தமிழர்களுக்கு என்ன நடந்தது ?” , “ஐநா உள்ளக அறிக்கையின் அடிப்படையில் 70 000 சிறிலங்கா அரசால் கொல்லப்பட்டுள்ளார்கள்” போன்ற தகவல்கள் எழுதப்பட்ட பதாகைகள் அதிவேக பாதையை மையமாக கொண்டு கட்டப்பட்டது.

” முள்ளிவாய்க்கால் முற்றம் ” இதழ் 3

முள்ளிவாய்க்கால் இன அழிப்பு நினைவாக தமிழ் பெண்கள் அமைப்பினரால் நேற்று 16.05.2014 அன்று மூன்றாவது வருடமாக ” முள்ளிவாய்க்கால் முற்றம் ” இதழ் 3 எனும் சிறுவர்களின் ஆக்கங்களை கொண்ட நூல் பேர்லின் நகரில் வெளியிடப்பட்டது .

தாயக விடுதலைக்காக விலை மதிப்பற்ற அர்ப்பணிப்புகள் செய்யும் எமது மக்கள் ,மாவீரர்களின் தியாகங்கள் நாளைய சந்ததிக்கு தொடர்ந்து கொடுக்கும் முகமாகவும் , அவர்களை எமது தேசத்தின் நற்பிரசைகளாக வளர்த்தெடுத்து தேச , இன , மொழிப்பற்றுடன் வாழ வழிசமைக்கும் நூலாக “முள்ளிவாய்க்கால் முற்றம்” திகழ்கின்றது .

இவ் நூலில் தமிழின அழிப்பில் மக்கள் பட்ட துன்பங்கள் , மாவீரர்கள் செய்த தியாகங்கள் , எமது விடுதலைப் போராட்டத்தின் உயிர்ப்பை கருக்கொண்டு கவிதைகள் , கட்டுரைகள் , ஓவியங்கள் சிறுவர்களால் ஆக்கப்பட்டது .

இவ் நிகழ்வில் முள்ளிவாய்க்கால் இன அழிப்பில் கொடூரமாக கொல்லப்பட்ட மக்களுக்கும் , இறுதி மூச்சு வரை விடுதலை தாகத்துடன் போராடி மண்ணுக்காய் மடிந்த மாவீரர்களுக்கும் சுடர்வணக்கம் செலுத்தப்பட்டது .
யேர்மனியில் அதிவேக பாதையில் தமிழின அழிப்பு நாள் கவனயீர்ப்பு பதாகை 10403326_646049862147308_5719269078338930169_n

யேர்மனியில் அதிவேக பாதையில் தமிழின அழிப்பு நாள் கவனயீர்ப்பு பதாகை 10403326_646049862147308_5719269078338930169_n

முள்ளிவாய்க்கால் இனவழிப்பு நினைவுசுமந்து மர நாட்டு நிகழ்வு

யேர்மனி பெர்லின் நகரில் கடந்த இரண்டு ஆண்டுகளுக்கு முன்னர் முள்ளிவாய்க்கால் இனவழிப்பு நினைவுசுமந்து மர நாட்டு நிகழ்வு நடைபெற்றது . இவ் நிகழ்வு பேர்லினில் மிகப் பெரிய பூங்காவனத்தில் பாதுகாப்பான பகுதியில் அவர்களின் அனுமதியுடன் சிறப்பாக ஒழுங்கு செய்யப்பட்டது.எப்படி அந்த மரம் தனது வேர்களை ஆழமாய் வளர்த்து மண்ணுக்குள் நிற்கின்றதோ அதே போல் சிறிலங்காவில் பல்லாயிரக்கணக்காக படுகொலை செய்யப்பட்ட தமிழ் மக்களின் நினைவுகள் எத்தனை வருடங்கள் சென்றாலும் எமது நெஞ்சத்தில் வேர் ஊண்டி நிற்கும் . என்ற வாசகத்தை யேர்மன் மொழியில் அந்த மரத்தில் காணக்கூடியதாக உள்ளது .இதன் ஊடாக பல்லாயிரக்கணக்கான யேர்மனிய மக்கள் தமிழர்களின் இனப்படுகொலை செய்தியை அறியும் வண்ணம் அமைகின்றது .

அந்த வகையில் நேற்று ஈழத்தமிழர்களின் இன அழிப்பின் அடையாளமாக வளர்ந்து நிற்கும் மரத்தை எமது எதிர்காலச் செல்வங்கள் தமது பெற்றோர்களுடன் பார்வையிட்டனர். அங்கு தமது உயிரை அர்ப்பணித்த மாவீரர்களுக்காகவும் ,கொல்லப்பட்ட மக்களுக்காகவும் சுடர்வணக்கம் செலுத்தப்பட்டு எமது விடுதலைக்காக தொடர்ந்து அர்ப்பணிப்போடு போராடுவோம் என்று உறுதி எடுக்கப்பட்டது.இதன் ஊடாக பல்லாயிரக்கணக்கான யேர்மனிய மக்கள் தமிழர்களின் இனப்படுகொலை செய்தியை அறியும் வண்ணம் அமைகின்றது .

இன்று 18.05.2014 யேர்மனி Düsseldorf நகரில் முதன்மை தொடரூந்து நிலையம் முன்பாக மதியம் 14:00 மணிக்கு மாபெரும் தமிழின அழிப்பு நாள் பேரணி நடைபெற இருக்கின்றது .

அத்தோடு 19.05.2014 அன்று பேர்லின் நகரிலும் , Gedächtnis Kirche முன்றலில் மாலை 6 மணிக்கு கவனயீர்ப்பு நிகழ்வு நடைபெறும் .

தமிழர் ஒருங்கிணைப்புக் குழு – யேர்மனி