நெடுங்கேணியில் மோதல்; கோபி சுட்டு கொலை

by **Tamil** Fri Apr 11, 2014 7:54 pm

நெடுங்கேணியில் மோதல்; கோபி சுட்டு கொலை

வவுனியா, நெடுங்கேணி பகுதியில் இராணுவத்தினரது துப்பாக்கிச் சூட்டுப்பிரயோகத்தில் தமிழீழ விடுதலைப் புலிகள் இயக்கத்தின் புதிய தலைவர் என கூறப்பட்ட கோபி உள்ளிட்ட மூவர் சுட்டுக் கொலை செய்யப்பட்டுள்ளனர்.
வவுனியா, நெடுங்கேணி பிரதேசத்தில் நேற்று (10) இரவு இராணுவத்தினர் மேற்கொண்ட சோதனை நடவடிக்கையில் தப்பிச் செல்ல முற்பட்ட போது இராணுவத்தினர் மேற்கொண்ட துப்பாக்கிச் சூட்டில் மூவரும் உயிரிழந்துள்ளதாக இராணுவப் பேச்சாளர் பிரிகேடியர் ருவன் வணிகசூரிய தெரிவித்தார்.

சுட்டுக் கொலை செய்யப்பட்டவர்களில் கோபி மற்றும் தேவிகன் அடையாளம் காணப்பட்டுள்ளதாகவும், உயிரிழந்த மற்றைய நபர் அப்பனாக இருக்கக் கூடும் என இராணுவத்தினர் சந்தேகம் வெளியிட்டுள்ளனர். எனினும் இதுவரையில் உறுதி செய்யப்படவில்லை .

விடுதலைப் புலிகளின் தலைவர் வேலுப்பிள்ளை பிரபாகரனின் மரணத்தை தொடர்ந்து அந்த இயக்கத்தினை மீளவும் புத்துயிர் செய்யும் நடவடிக்கைகளை கோபி மேற்கொண்டு வந்ததாக பொலிஸார் குற்றஞ்சாட்டி தேடுதல் மேற்கொண்டுவந்தனர்.

கடந்த மாதம் கிளிநொச்சியில் உள்ள வீடொன்றில் கோபி தங்கியிருப்பதாக தகவல் கிடைக்கப்பெற்றதை தொடர்ந்து அங்கு பொலிஸார் சென்றதாகவும் பொலிஸாருக்கும் கோபிக்கும் இடையில் துப்பாக்கிச் சூடு இடம்பெற்றதாகவும் பொலிஸார் தெரிவித்தனர்.

அதனை தொடர்ந்து கோபிக்கு அடைக்கலம் கொடுத்தனர் என்ற கிளிநொச்சியைச் சேர்ந்தஜெயக்குமாரி மற்றும் அவரது மகள் 14 வயதான விபூசிகா கைது செய்யப்பட்டிருந்த அதேவேளை கோபியின் தாய் என கூறப்படும் 83 வயதான ராசமலர் என்பவரும் கடந்த மாதம் 24ஆம் திகதி பொலிஸாரால் கைது செய்யப்பட்டு விசாரணைக்கு உட்படுத்தப்பட்டு வருகின்ற. இதேவேளை கோபியின் மனைவி என கூறப்படும் இளம் பெண் ஒருவரும் அண்மையில் பொலிஸாரால் கைது செய்யப்பட்டு விசாரணக்கு உட்படுத்தப்பட்டுள்ளார்.

கோபி சுட்டு கொலை செய்யப்ப்டதாக இராணுவத்தினர் தெரிவித்திருப்பதினால் இது வரை காலமும் மேற்கொள்ளப்பட்டு வந்த தேடுதல் வேட்டை முடிவுக்கு கொண்டுவரப்படலாம் என தெரிவிக்கப்படுகின்றது.

by **sakthy** Fri Apr 11, 2014 8:36 pm

தானே உருவாக்கி தானே அழித்த பெருமை சிங்கள இராணுவத்தையே சேரும். உலகம் எல்லாவற்றையும் நம்பும்.தமிழன் சொன்னால் மட்டும் நம்பாது.ஏனெனில் நமக்கென்று ஒரு நாடில்லை.

கோபி என்றொரு பாத்திரம் அரசாங்கத்தால் உருவாக்கப்பட்டு புலிகளின் புதிய தலைவர் என பட்டம் சூட்டப்பட்டு, பின்னர் அவருடன் இணைத் தலைவர்களாக சேர்க்கப்பட்ட தேவிகன் மற்றும் அப்பன் என்ற பாத்திரங்களும் அரசாங்கத்தினதும் இலங்கைப் புலனாய்வுப் பிரிவினதும் திட்டமிட்ட நாடகம் என செய்திகள் கூறுகின்றன. அந்தக் கூற்று இன்று இலங்கை அரசாங்கமும் பாதுகாப்பு தரப்பும் நடந்து கொண்ட விடயத்தின் மூலம் உறுதியாகி இருப்பதனை அனைவரும் புரிந்துகொள்ள முடியும்.
குறிப்பாக சுட்டுக்கொல்லப்பட்ட இவர்களின் சடலங்களை பதவியா வைத்தியசாலைக்கு அனுப்பியதும், அனுராதபுரம் நீதவானிடம் மரண விசாணை ஒப்படைக்கப்பட்டதும், பல்வேறு கேள்விகளை தோற்றுவித்துள்ளதாக வன்னியில் இருந்து தகவல்கள் தெரிவிக்கின்றன.ஏன் செய்தியாளர்கள் அனுமதிக்கப்படவில்லை என்றும்,அந்த இடங்களில் இராணுவமும்,சிங்களவர்களும் குடியேற்றப்பட்ட நிலையில்,இவை அனைத்தும் ஜெனீவா முடிவின்படி தொடங்க இருக்கும் விசாரணை காரணம் என்றும்,இதனால் மக்கள் அச்சத்துடன் இருப்பதும் தெரிய வருவதாக சொல்கிறார்கள்.
…............
இதற்கிடையில் கிளிநொச்சியை தனியாகப் பிரித்து, சிங்கள நகரமாக தனி மாகாணமாக உருவாக்க வேலைகள் நடந்து வருகின்றது.
இதை எல்லாம் இந்தியாவோ,தமிழக காங்கிரஸ்காரர்களோ கண்டு கொள்ளாதது ஏன்?