இந்தியாவின் இன்னொரு முகம் - மறக்கப்படும் போராளி சர்மிளா.

இந்தியாவின் இன்னொரு முகம் - மறக்கப்படும் போராளி சர்மிளா.

The Iron Lady of Manipur- Irom Chanu Sharmila .
இரும்புப் பெண் என அழைக்கப்படும்,மணிப்பூரைச் சேர்ந்த இரோம் சர்மிளா இந்தியாவின் இரும்புப் பெண் மாத்திரமல்ல, இன்றைய உலகின் இருப்பும் பெண்ணும் அவள்தான்.இன்று அம்னெஸ்டி உட்பட மனித உரிமை அமைப்புகள் அந்தப் போராளியின் விடுதலைக்காக குரல் எழுப்பிக் கொண்டிருக்கின்றனர்.தனது வாழ்வுக் காலத்தில் 14 ஆண்டுகள் உணவருந்தாமல் போராடிக்கொண்டிருக்கும், சர்மிளாவின் பிறந்த நாளை,ஏன் அவள் யார் என்பதையே மறந்திருக்கும் இந்தியர்கள் மத்தியில்,சென்னைப் பல்கலைக்கழகம் மாத்திரமே இடமளித்து நினைவு கூர்ந்தது..

அரசியல்வாதிகளின் பிறந்த தினங்களும் நடிகர் நடிகைகளின் பிறந்த தினங்களும் வெகு விமர்சையாக கொண்டாடுப்படும் அளவுக்கு, உன்னதமான போராளிகளின் பிறந்த நாட்கள் கொண்டாடப்படுவதில்லை.

ஈழத்தலைவர்கள், ஈழ மக்களின் வரலாறு குறித்து இலங்கையில்  இருட்டடிப்புச் செய்யப்படுவது போல்,இந்திய வரலாற்றில் வட கிழக்கு மாநிலங்களின் தலைவர்களின் பெயர்கள் மறைக்கட்டிருக்கின்றன. வட கிழக்கு மாநிலங்கள் இந்தியாவுடன் பலவந்தமாக இணைக்கப்பட்டுள்ளன. அந்நிய நாட்டுப் பிரஜைகளைப்போல, அந்த மக்களை நடத்துவதன் காரணமாகவே, அவர்கள்மீது சிறப்பு வன்முறைச்சட்டங்கள் அமுல்படுத்தி வன்முறை மேற்கொள்ளப்படுகின்றன.

இராணுவ வன்முறை, கண்ணீர், ஒடுக்குமுறை,பாலியல்தொல்லைகள் நிறைந்த வடகிழக்கின்ஏழு மாநிலங்கள் ஏழு சகோதரிகள் எனக் கூறப்படுகிறது.
எந்தக் காரணங்களும் இல்லாமல் வன்முறைகள் நிகழ்த்தப்படும் இங்கு, நவம்பர் 2, 2000ஆம் ஆண்டு மணிப்பூர் இம்பால் பள்ளத்தாக்கில் உள்ள மலோம் என்ற சிற்றூரில் பேரூந்துக்காக காத்திருந்த மக்களில் பத்துப் பேர், இந்தியப் படையின் துணைப்படையால் சுட்டுக்கொல்லப்பட்டார்கள். தொடர்படுகொலைகளின் மத்தியில் அன்றைய படுகொலையுடன் இரோம் சர்மிளா உணவு மற்றும் நீரை தவிர்க்கும் தன் உண்ணாப் போராட்டத்தை தொடங்கினாள்.

உண்ணா விரதப் போராட்டம் தொடங்கிய மூன்றாவது நாள் இரோம் சர்மிளா கைதுசெய்யப்பட்டார்.தற்கொலைக்கு முயன்றதாக காரணம் கூறப்பட்டடே அவர் கைதுசெய்யப்பட்டார். தற்கொலைக்கு முயலும் எவரையும் கைதுசெய்ய முடியும் என்ற இந்திய சட்டத்திற்கு அமைவாக ஒவ்வொரு ஆண்டும் விடுதலை செய்யப்பட்டு, கைது செய்யப்படுகிறார் சர்மிளா.(இந்த சமயத்தில் ஈழத்தமிழ் போராளி செந்தூரன்,தமிழ் நாட்டில் நடத்தும்
உண்ணாவிரதத்தையும்,இந்திய படைகளை வெளியேறுமாறும், இந்திய படைகள் வன்முறைகளை எதிர்த்துப் போராடி காவியமான திலீபனையும் நினைவு கொள்ளலாம்) .  சர்மிளா இன்று வட கிழக்கு மாநில மக்களின் போராளியாக, அந்த மாநிலத்தவரால் மங்கோவி என அழைக்கப்படுகிறார்.

அண்ணா ஹசாரே நடத்திய உண்ணா விரதப் போராட்டத்தை முழு இந்திய ஊடகங்கள் நாள் முழுக்க படம் பிடித்தன. சர்மிளாவை இந்திய ஊடகங்கள் கண்டுகொள்ளாமல் அவரது போராட்டத்தை இருட்டடிப்புச் செய்கின்றன. ஆனால் அரசியல் வியாபார ஊடகங்களை பொருட்படுத்தாமல் ஒடுக்கிக்கொண்டிருக்கும் இந்திய அரசை நோக்கி இன்னமும் போராடிக்கொண்டே இருக்கிறார் சர்மிளா.இதில் இன்று அம்னெஸ்டியும் இணைந்து கொண்டது.

சர்மிளாவின் பசி விடுதலைப்பசி, மனித உரிமைக்கான பசி. வன்முறைக்கு எதிரான பசி. தன் இன மக்களுக்கு எதிரான வன்முறையை நிறுத்தச்சொல்லும் பசி.  அநீதியை நோக்கி தன் போராட்டத்தை முன்னெடுக்கும் சர்மிளாவைக் கண்டு கொள்ளாவிட்டாலும்,அதே போன்ற விடுதலைப் பசியுடன்,பல துன்பங்களையும்,துயரங்களையும்,வலிகளையும்,வேதனைகளையும் சுமந்து வாடும் ஈழத்து உறவுகளும்,அவர்கள் துயர் தீர ஏங்கி நிற்கும் நாமும் சர்மிளாவின் துயரத்தில் நிச்சயம் பங்கு கொள்வோம். அவளின் விடுதலைப்பசி நம் விடுதலைப் பசி.

நமது விடுதலைக்காய் வித்தாகும் வீரர்களை மறந்துவிடும்,மறைத்துவிடும், நன்றி கெட்ட உலகமடா இது.



இது இலங்கைக்கு இந்தியா கொடுத்த இரசாயண ஆயுதங்கள். மறைத்து வைத்த chemical weapons தமிழரை அழிக்கப் பயன்படுத்தப்பட்டன.

சர்மிளாவை இந்திய ஊடகங்கள் கண்டுகொள்ளாமல் அவரது போராட்டத்தை இருட்டடிப்புச் செய்கின்றன. 

உண்மை தான் ஊடக விபச்சாரம்