சர்வதேச விசாரணைக்கான வட மாகாணசபைத் தீர்மானம்! இலங்கை அரசுக்கு ஆபத்தான குறியீடு - தயான் ஜெயதிலக !

by **mmani** Sat Feb 01, 2014 7:26 am

இலங்கையின் இறுதிப்போரின் யுத்த மீறல்கள் குறித்து அனைத்துலக விசாரணை கோரும் இலங்கையின் வட மாகாண சபைத் தீர்மானம், இலங்கை அரசுக்கு எதிரான ஆபத்தான குறியீடு என சிங்கள இராஜதந்திரி தயான் ஜெயதிலக தெரிவித்துள்ளார்.
இலங்கை அரசு மீதான அனைத்துலகத்தின் அழுத்தங்களில் இருந்து சிங்கள தேசத்தினை காப்பாற்றுவதற்கு பரிந்துரைகளையும், கருத்துக்களையும் இலங்கை அரசாங்கத்துக்கு தொடர்சியாக வழங்கி வருகின்ற தயான் ஜெயதிலக அவர்கள், அனைத்துலக விசாரணை வேண்டுமென்ற தீர்மானத்தின் மூலம், வட மாகாண சபை உறுப்பினர்கள் இலங்கை அரசுத் தலைவர் மகிந்த ராஜபக்சவுக்கு துரோகம் இழைத்திருப்பதாக தெரிவித்துள்ளார்.

அனைத்துலக விசாரணை தொடர்பில் தொடர்சியாக குரல் கொடுத்து வருகின்ற புலம்பெயர் தமிழர் அமைப்புக்களில் குறிப்பாக நாடுகடந்த தமிழீழ அரசாங்கத்தினை கோடிட்டுக்காட்டிhttp://uspolitics.einnews.com/pr_news/187697549/sri-lanka-s-own-northern-council-calls-for-int-l-war-crimes-investigation-against-sri-lankan-leaders எனும் இணையத்தளத்தில் வெளிவந்துள்ள வட மாகாணசபை தீர்மானம் தொடர்பிலான செய்தியானது, சிறிலங்கா அரசாங்கத்துக்கு எதிரான முக்கியமான முன்னகர்வு என தயான் ஜெயதிலக தெரிவித்துள்ளார்.

இலங்கை அரசாங்கம் யுத்தக் குற்றத்தில் ஈடுபடவில்லை என்றால், எதற்காக அனைத்துலக விசாரணை ஒன்றை மேற்கொள்ள தயங்க வேண்டும் என வடமாகாண முதலமைச்சர் சீ.வி.விக்னேஸ்வரன் அவர்கள் எழுப்பியிருந்த கேள்வியினைச் சுட்டிக்காட்டியுள்ள தயான் ஜெயதிலக, தமிழர் தரப்பின் இந்த முன்னகர்வு இலங்கை அரசுக்கு எதிரான ஆபத்தான குறியீடு எனத் தெரிவித்துள்ளார்.

http://www.tamilwin.com/show-RUmsyBQVMdiv3.html