கேரளாவின் உம்மன் சாண்டி அரசு சூரிய மின்சக்தி ஊழலில் ஈடுபட்டதாகவும், அதற்கு பொறுப்பேற்று அவர் பதவி விலக வேண்டும் என வலியுறுத்தி நடைபெற்ற போராட்டத்தில் சுமார் ஒரு லட்சம் பேர் திரண்டனர்!

 கேரளாவின் உம்மன் சாண்டி அரசு சூரிய மின்சக்தி ஊழலில் ஈடுபட்டதாகவும், அதற்கு பொறுப்பேற்று அவர் பதவி விலக வேண்டும் என வலியுறுத்தி நடைபெற்ற போராட்டத்தில் சுமார் ஒரு லட்சம் பேர் திரண்டனர்!

இந்திய நாட்டிலேயே இது ஒரு மாபெரும் முற்றுகை போராட்டமாகும்!....
அவங்க எப்படியாவது போயிட்டு போறாங்க விடுங்க..

ஆமா.. சேரன் பொண்ணு லவ் மேட்டர் என்ன ஆச்சி?
விஜய் படம் எப்போ ரிலீஸ் ஆகும்?
டாஸ்மாக்ல மினி குவாட்டர் என்ன ரேட்?

திருந்துடா தமிழா!!
போராட்டம் ஒன்றே உரிமைகளைப் பெற்று தரும்!!
ஐந்து வருடத்திற்கு ஒருமுறை ஒட்டு போடுவது மட்டுமே கடமை என்று எண்ணாதே!!

உங்க கடைசி கருத்து தமிழனுக்கு புரிந்தால் சரிதான்

Muthumohamed wrote:உங்க கடைசி கருத்து தமிழனுக்கு புரிந்தால் சரிதான்

 கடைசி கருத்து அல்ல ஆரம்பத்தில் இருந்த அதுதான்  

 ஒரு லட்சம் மக்கள் திரண்டதால் முடங்கியது கேரளா சட்டமன்றம்! தமிழகம் பாடம் படிக்குமா ?

கேரளாவின் உம்மன் சாண்டி அரசு சூரிய மின்சக்தி ஊழலில் ஈடுபட்டதாகவும், அதற்கு பொறுப்பேற்று அவர் பதவி விலக வேண்டும் என வலியுறுத்தி இடது சாரி கூட்டணி கேரளா சட்டசபையை காலவரையின்றி முற்றுகையிட்டனர். ஒரு லட்சம் திரண்ட இப்போராட்டம் இந்திய நாட்டிலேயே இது ஒரு மாபெரும் முற்றுகை போராட்டமாகும்.

ஒரு ஊழலுக்கே இப்படி போராட்டம் செய்யும் கேரளா நாட்டு மக்களை நாம் பாராட்டியே ஆகவேண்டும். அங்குள்ள கட்சிகளின் வலிமையும், அவர்கள் ஒருங்கிணைப்பும் இத்தகைய மக்கள் போராட்டத்தை முன்னெடுக்க வைத்துள்ளது.

இங்கு தமிழ்நாட்டில் ஒரே நேரத்தில் இப்படியானதொரு வலிமை மிக்க போராட்டத்தை தமிழ் மக்களால் நடத்த முடியாமல் இருப்பது நமது ஒற்றுமையின்மை மற்றும் நம்மை பிரித்தாளும் சக்திகளின் வலிமையை காட்டுகிறது.

ஈழத்தில் நமது சொந்தங்கள் கொத்து கொத்தாக செத்து மடிந்த போது எந்த ஒரு தனிப்பட்ட கட்சியோ , அல்லது கூட்டாகவோ இப்படி ஒரு லட்சம் மக்கள் சட்டமன்றத்தை முடக்கி இருந்தால் அந்த கொடூரமான போரை நிறுத்தி இருக்கலாம். இப்படியான மக்கள் போராட்டத்தை நாம் முன்னெடுப்போம் என்றால் ஆபத்தான கூடங்குளம் அணு உலையை மூடி இருக்கலாம். காவிரி நீரை நேரத்திற்கு வரவழைத்து இருக்கலாம். இந்திய அரசின் மீதேன் திட்டத்தை தடுத்து இருக்கலாம். கெயில் நிறுவனத்தை துரத்தி இருக்கலாம். அனைத்து தனியார் பள்ளிகளையும் அரசு பள்ளிகளாக மாற்றி தமிழ் வழிக் கல்வியை நிலைநாட்டி இருக்கலாம். தமிழக மீனவர்கள் கொல்லப்படுவதை தடுத்து நிறுத்தி இருக்கலாம். சிங்கள தூதரகத்தை நிரந்தரமாக மூடி இருக்கலாம். இன்னும் எத்தனையோ உரிமைகளை மீட்டிருக்கலாம்.

ஆனால் இவை எவையுமே நம்மால் சாதிக்க முடியாமல் நாம் அடிமையாக போனதற்கு காரணம் நமக்கு இனவுணர்வு இல்லாமல் போனது தான். சாதியாலும் , மதத்தாலும் நம்மை பிரித்தாளும் சக்திகளுக்கு நாம் இடம் கொடாமல் , தமிழர்கள் என்ற இனவுணர்வு கொண்டால் நிச்சயம் நம்மாலும் இப்படியான பெருந்திறல் ஆர்பாட்டத்தை நிகழ்த்திக் காட்ட முடியும். நிச்சயம் ஒரு நாள் நம்மை அடக்கி ஆளும் அரசை வீழ்த்தும் புரட்சி போராட்டம் நடக்கும் .

ஒற்றுமையோடு களமாடும் கேரளநாட்டு நண்பர்களுக்கு நம் வாழ்த்துகள். தமிழர்களும் விரைவில் புரட்சி செய்ய தமிழர் ஒற்றுமை ஓங்கட்டும் . வாழ்க தமிழ். வளர்க தமிழர் நாடு !