தமிழகத்தில் ஆண்டுக்கு ஆண்டு குற்றங்கள் எண்ணிக்கை அதிகரிப்பு

தமிழகத்தில்
கடந்த ஐந்து ஆண்டுகளில் நடந்த சம்பவங்கள் பற்றி எடுக்கப்பட்ட ஒரு புள்ளி
விவரப்படி, சென்ற 2009ம் ஆண்டில் கொலை, ஆதாய கொலை, கொள்ளை, வழிப்பறி,
திருட்டு, கற்பழிப்பு உள்ளிட்ட குற்ற சம்பவங்கள் அதிகரித்துள்ளன. அதே
வேளையில், வரதட்சணை, பெண்களுக்கு எதிரான பாலியல் கொடுமைகள் குறைந்
துள்ளன.இந்தியாவின் மற்ற மாநிலங்களோடு ஒப்பிடும் போது, தமிழகம் அமைதி
பூங்காவாக உள்ளது. இருப்பினும், குற்றச் சம்பவங்கள் ஆண்டிற்கு ஆண்டு
அதிகரித்து வருவதாக புள்ளி விவரங்கள் சுட்டிக் காட்டுகின்றன.

கடந்த ஐந்து ஆண்டுகளுக்கு எடுக்கப்பட்ட ஒரு
புள்ளி விவரத்தின் படி, கொலை, கொள்ளை, திருட்டு, வழிப்பறி, கற்பழிப்பு
உள்ளிட்ட குற்றச் சம்பவங்கள் தொடர்ந்து அதிகரித்துள்ளது தெரிய வந்துள்ளது.

குறையும் பெண்களுக்கு எதிரான குற்றங்கள்:கடந்த
2007ம் ஆண்டு 523 கற்பழிப்பு வழக்குகளும், 2008ம் ஆண்டு 573, கடந்த ஆண்டு
596 வழக்குகள் பதிவாகியுள்ளன. வரதட்சணை சாவு வழக்குகள் கடந்த 2007ல் 208
ஆகவும், 2008ம் ஆண்டு 207, 2009ம் ஆண்டு 194 என குறைந்துள்ளது. 2007ம்
ஆண்டு 875 பாலியல் தொந்தரவு வழக்குகள் பதிவு செய்யப்பட்டுள் ளன. இது,
2008ல் 974 ஆக உயர்ந்து, கடந்த ஆண்டு 501 ஆகக் குறைந்துள்ளது. கணவன்
மற்றும் அவரது உறவினர்களால் செய்யப்படும் கொடுமைகள் குறித்த வழக்கு, கடந்த
2007ம் ஆண்டு 1,976 ஆகவும், 2008ம் ஆண்டு 1,648, கடந்த ஆண்டு 1,460
வழக்குகள் என குறைந்துள்ளன.

பெண் கடத்தல் :வழக்குகள்
கடந்த 2007ம் ஆண்டைக் காட்டிலும் கடந்த ஆண்டு 36 வழக்குகள்
அதிகரித்துள்ளன.குற்றச் சம்பவங்களின் எண்ணிக்கை அதிகரித்து வருவது
குறித்து போலீஸ் உயர் அதிகாரி ஒருவரை கேட்ட போது, 'ஒவ்வொரு ஆண்டும் மக்கள்
தொகையும் கணிசமான அளவில் அதிகரித்து வருகிறது. போலீசார் திறமையாகச்
செயல்பட்டு வருவதால், குற்றங்களின் எண்ணிக்கை கட்டுப்படுத்தப்பட்டு
வருகிறது. பெருகி வரும் மக்கள் தொகைக்கு ஏற்ப போலீசாரின் எண்ணிக்கை, நவீன
தொழில் நுட்பங்கள் அதிகரிக்கப்பட்டு வருகின்றன. இதனால், அடுத்த ஆண்டுகளில்
நல்ல மாற்றத்தை எதிர்பார்க்கலாம்' என்றார்.தமிழகத்தில் சாலை விபத்துகளில்
இறப்போரின் எண்ணிக்கையும் ஒவ்வொரு ஆண்டும் அதிகரித்து வருகிறது. கடந்த
2007ம் ஆண்டு 11,034 பேர் சாலை விபத்தில் இறந்துள்ளனர்.

இது, 2008ம் ஆண்டு 11,813 ஆகவும், கடந்த ஆண்டு
12,727 ஆகவும் உயர்ந்துள்ளது. அதே நேரத்தில், சாலை விபத்துகளின் எண்ணிக்கை
குறைந்துள்ளது. கடந்த 2007ம் ஆண்டு 48,106 ஆக இருந்த விபத்துகளின்
எண்ணிக்கை, 2008ம் ஆண்டு 48,596 ஆக அதிகரித்து, கடந்த ஆண்டு 48,067 ஆகக்
குறைந்துள் ளது. வாகன பெருக்கமும், பொதுமக்கள் சாலை விதிகளை
கடைப்பிடிக்காததும், பல இடங்களில் மோசமான சாலை வடிவமைப்புமே
விபத்துகளுக்கு காரணம் என்று கண்டறியப்பட்டுள்ளது.