எதிர்க்கட்சிகள் இரட்டை வேடம் போடுகின்றன' என்று முதல்வர் ஜெயலலிதா

by **ஜனனி** Mon Nov 21, 2011 10:35 am

த

மிழகத்தின்
மோசமான நிதி நிலை, நிர்வாகச் சீர்கேடு குறித்து, தேர்தலுக்கு முன்பு
என்னிடம் கவலை தெரிவித்து, இவற்றை சரி செய்யும் வகையில், கடினமான
முடிவுகளை என்னால் தான் எடுக்க முடியும் என்று கூறிய எதிர்க்கட்சிகள்,
இப்போது கண்டனம் தெரிவித்து இரட்டை வேடம் போடுகின்றன' என்று முதல்வர்
ஜெயலலிதா சூடான பதிலளித்துள்ளார்.

பஸ் கட்டண உயர்வு, ஆவின் பால் விலை உயர்வு, மின் கட்டணத்தை உயர்த்த முடிவு
உள்ளிட்ட அறிவிப்புகளை, கடந்த 17ம் தேதியன்று முதல்வர் ஜெயலலிதா
வெளியிட்டார். இந்த பொதுத் துறை நிறுவனங்களின் நிதி நிலை கடுமையாக
மோசமடைந்து, திவாலாகும் நிலையில் உள்ளதால், அவற்றை மீண்டெடுக்க இந்த கட்டண
உயர்வு அவசியமாகிறது என்ற நீண்ட விளக்கத்தையும் முதல்வர் அளித்தார்.கட்டண
உயர்வுக்கு தி.மு.க., - காங்., - பா.ம.க., - ம.தி.மு.க., உள்ளிட்ட
எதிர்க்கட்சிகள் கடும் எதிர்ப்பை தெரிவித்தன. கடந்த சட்டசபைத் தேர்தலில்
அ.தி.மு.க., அணியில் போட்டியிட்ட தே.மு.தி.க., கம்யூனிஸ்ட் கட்சி மற்றும்
உதிரி கட்சிகளும் கட்டண உயர்வுக்கு எதிர்ப்பு தெரிவித்துள்ளன. தே.மு.தி.க.,
தலைவர் விஜயகாந்த் உண்ணாவிரதம் இருக்கப்போவதாகவும் அறிவித்துள்ளார்.

இந்நிலையில், தமிழக அரசு இந்த முடிவை எடுக்க வேண்டியது தவிர்க்க
முடியாததாகிவிட்டது. பொதுத் துறை நிறுவனங்களின் நலிவுக்கு காரணமானவர்கள்,
இன்று முதலைக் கண்ணீர் வடிப்பதாக தி.மு.க.,விற்கு முதல்வர் ஜெயலலிதா சூடான
பதிலடி கொடுத்துள்ளார். அதோடு, தே.மு.தி.க., உள்ளிட்ட கட்சிகள் இரட்டை
வேடம் போடுவதாகவும் அவர் குற்றஞ்சாட்டியுள்ளார்.

இது குறித்த முதல்வர் ஜெயலலிதாவின் அறிக்கை:தமிழ்நாடு மின்சார வாரியம், அரசு போக்குவரத்துக் கழகங்கள் மற்றும் ஆவின் போன்ற

பொதுத் துறை நிறுவனங்கள், "திவால்' ஆவதை தடுத்து, பொதுமக்களுக்கு தொடர்ந்து
தங்களது சேவைகளை ஆற்றும் வகையில், கட்டண உயர்வுகள் பற்றிய முடிவுகளை தமிழக
அமைச்சரவை எடுத்துள்ளது.

முதலைக் கண்ணீர்:பொதுத் துறை நிறுவனங்களை
சீரழித்துவிட்டு, இது போன்ற கடினமான முடிவை இந்த அரசு எடுக்க காரணமாக
இருந்த கருணாநிதி, மக்களை பாதுகாப்பது போல் நீலிக்கண்ணீர் வடிப்பது,
"சாத்தான் வேதம் ஓதுவது போல்' உள்ளது.இது முதலைக் கண்ணீர் என்பதை மக்கள்
அறிவர்; ஏமாந்து விடமாட்டார்கள்.

பயனில்லாத இலவச திட்டங்கள்:தி.மு.க., ஆட்சியில், அரசு
அதிகாரிகள் கட்டணத்தை உயர்த்த இவரிடம் கேட்டுக் கொண்டது போலவும், இவர்
மக்களுக்காக உயர்த்த வேண்டாம் என்று கூறி, அரசு கடன் வாங்கி இந்த
நிறுவனங்களுக்கு வழங்கலாம் என்று கூறியது போலவும், ஒரு புளுகு மூட்டையை
கருணாநிதி அவிழ்த்து விட்டுள்ளார்.அவ்வாறு வழங்கியிருந்தால், இது போன்ற ஒரு
மீள முடியாத கடன் சுமையில் நிறுவனங்கள் எப்படி சிக்கியிருக்கும்? அரசு
பெற்ற கடனில் இருந்து தானே, தங்களுக்கு மட்டுமே பயன் உள்ள, மக்களுக்கு
எவ்வித பயனும் விளைவிக்காத இலவசத் திட்டங்களுக்கு செலவிடப்பட்டது? பின்னர்,
அரசு எங்கிருந்து இந்த நிறுவனங்களுக்கு கடன் வழங்க இயலும்?

இரட்டை வேடம்: தற்போது சட்டசபையில் எதிர்க்கட்சித்
தலைவர்களாக உள்ள தலைவர்களில் பெரும்பாலானோர், தமிழகத்தின் மோசமான நிதி
நிலை, நிர்வாகச் சீர்கேடு குறித்து, தேர்தலுக்கு முன், என்னிடம் கவலை
தெரிவித்தனர். இவற்றை சரி செய்யும் வகையில், கடினமான முடிவுகளை என்னால்
தான் எடுக்க முடியும் என்றும் கூறினர். அப்போது அவ்வாறு கூறி விட்டு,
தற்போது கண்டன அறிக்கை விடுவது சரியான செயல்தானா என்பதை