சுவிட்சர்லாந்து பற்றிய மனதைப் பிரமிக்க வைக்கும் 12 அம்சங்கள்!

சுவிட்சர்லாந்து பற்றிய மனதைப் பிரமிக்க வைக்கும் 12 அம்சங்கள்!

சுவிட்சர்லாந்தில் கடும் குளிர் காலத்தில் இரவு முழுதும் வெண்பனி பொழிந்து பாதைகளில் வாகனங்கள் பயணிக்கவே முடியாது

என்ற நிலை ஏற்பட்டாலும் காலை 8 மணிக்குள் அனைத்து முக்கிய பிரதான பாதைகளும் துப்பரவாக்கப் பட்டு பயணிக்க ஏற்றதாக மாற்றப் பட்டு விடும்.

2. உலகில் அணுவாயுத யுத்தம் ஏற்பட்டால் தனது நாட்டு மக்கள் அனைவரையுமே நிலத்தின் கீழ் அமைக்கப்பட்ட பாதுகாப்பு அறைகளில் குடியமர்த்தவும் மேலும் பல மாதங்களுக்கு உணவு மற்றும் அத்தியாவசிய தேவைகளை நிறைவேற்றும் வசதியும் சுவிட்சர்லாந்திடம் உள்ளதாக தகவல்கள் உள்ளன.

3. சுவிட்சர்லாந்தில் உள் நாட்டு யுத்தம் ஏற்பட்டால் தனது அதிவேகப் பாதைகளில் மிக விரைவாக விமானங்கள் தரை இறங்க அல்லது டேக் ஆஃப் ஆக உதவும் விதத்தில் உடனடியாக மாற்றி அமைக்கும் தொழிநுட்பத்தைக் கொண்டிருக்கின்றதாம்.

4. ஒலியை விட வேகமாகப் பயணிக்கும் சூப்பர் சோனிக் விமானங்களை சுவிஸ் வான் பரப்பில் பயிற்சி நடவடிக்கைக்காக பயன்படுத்தினால் அதன் உச்சக் கட்ட வேகத்தில் ஒரு போதும் பயணிக்க முடியாது. காரணம் சுவிட்சர்லாந்து மிகச் சிறிய நாடு என்பதால் ஒலியின் வேகத்துக்கு அண்மையாகப் பயணித்தால் இன்னொரு நாட்டின் வான் பரப்பில் கட்டுப்பாட்டை மீறி நுழைய நேரிடலாம்!. ஆனால் பிரத்தியேகமாக சூப்பர் சோனிக் வேகத்தில் பயணிக்க பிரான்ஸின் அனுமதியை சுவிஸ் பெற்றுள்ளது

.

5. சுவிட்சர்லாந்தின் லௌசான்னே மாநிலத்தில் அரசால் வழங்கப்படும் குப்பைப் பையின் அளவை விட அதிகளவு குப்பையை வீசினால் அதற்கேப்ப குப்பைக்கான வரியும் அதிகரிக்கும் அத்துடன் ஏனைய மாநிலங்களில் அரசின் குப்பைப் பையைத் தவிர வேறு பையை குப்பைக்காகப் பயன்படுத்தினால் சட்டச் சிக்கல்களை எதிர் நோக்கவும் நேரிடும். குப்பைகளை பிரித்து எறிவதிலும் கடுமையான சட்டதிட்டங்களை பின்பற்றுகின்றது அந்நாடு. பொது இடங்களை சுத்தமாக வைத்திருப்பதில் அரசும் அந்நாட்டு மக்களும் மிகுந்த அக்கறை உடையவர்கள்.

6. ஒப்பீட்டளவில் மிகச் சிறிய நாடான சுவிட்சர்லாந்தில் 4 தேசிய மொழிகள் பேசப் படுகின்றன. அவையாவன ஜேர்மன், பிரெஞ்சு, இத்தாலியன் மற்றும் ரோமன் ஆகும்.

7. பால் உற்பத்தி மற்றும் சாக்லேட்டுக்கு பிரபலமான சுவிட்சர்லாந்தில் சாக்கலேட்டுக்கள் தங்கத்தைப் போன்று ஜொலிக்கும் விதத்தில் உருவாக்கவும் நுட்பங்கள் கையாளப் படுகின்றதாம்.

8. சுவிட்சர்லாந்து தனது நாட்டுக்குத் தரை வழியாக எதிரிகள் ஊடுருவதைத் தடுக்க மிகச் சொற்பமான இராணுவத்தினரைக் கொண்டு இலகுவாக தடுக்க முடியும். மேலும் சில பொத்தான்களை அழுத்துவதன் மூலம் சுவிட்சர்லாந்துக்குள் நுழையும் அனைத்து வழிகளிலும் உள்ள முக்கிய சுரங்கப் பாதைகளையும் ஸ்டீல் டியூப் மூலம் அதிவேகப் பாதைகளையும் மூடி விட முடியுமாம்.

மேலும் எதிரி நாட்டின் இராணுவ கவச வாகனங்கள் அதிவேகப் பாதையையே சுரங்கங்களையோ தாண்டுவதை 1 மணித்தியாலத்துக்குள் பூரணமாகத் தடுக்க முடியும். இதற்கு உதவியாக அனைத்து முக்கிய பாலங்களிலும் எப்போதும் தயாராக வெடிகுண்டுப் பெட்டிகள் மறைத்து வைக்கப் பட்டுள்ளதுடன் மத்தியிலுள்ள ஒரு சுவிட்சைத் தட்டுவதன் மூலம் அனைத்து முக்கிய பெயர் பலகைகளும் மூடப்படுமாறு செய்யவும் முடியும். இதைவிடப் பல மலைகளின் அடிவாரத்தில் வலிமையான இராணுவத் தளங்களும் காணப் படுகின்றனவாம்.

9. சுவிட்சர்லாந்தின் பல கார்கள் எப்போதும் புதியவையாக இருக்கும். குறித்த வாகனத்தில் ஏதும் கீறல் அல்லது நெளிவு ஏற்பட்டால் வெகு விரைவில் அது திருத்தம் செய்யப் பட்டுவிட வேண்டும். ஏனெனில் வாகனத்தின் தரம் மற்றும் பாதுகாப்பை குறிப்பிட்ட கால எல்லைக்குள் பரிசோதனை செய்யும் சட்டதிட்டங்களும் அங்கு கடுமையானவையாக இருக்கின்றன.

10. சுவிஸ் அரசு தனது நாட்டில் வேலையில்லாதவர்களின் எண்ணிக்கையைக் குறைத்து அவரவர் தகுதிக்கு ஏற்ற விதத்தில் வேலை வாய்ப்பை வழங்குவதன் மூலமும் இலகுவாக வேலையைக் கற்றுக் கொண்டு தானியங்கி முறையில் செயற்படக் கூடிய திறமையையும் வளர்த்து வருகின்றது. இதன் மூலம் சமூக ரீதியான உதவிப் பணம் வழங்கப் படுபவர்கள் தொகையையும் குறைப்பதிலும் தீவிர கவனம் செலுத்தி வருகின்றது

11. சுவிட்சர்லாந்தின் பொதுமக்கள் வாகனப் போக்குவரத்து மிகத் திறமையாக இயங்கி வருகின்றது. ஒரு தனித்த டிக்கெட்டில் ஒரு நாள் முழுவதும் அல்லது ஒரு வருடத்திற்கு பஸ், ரயில், படகு, கேபிள் கார் என அனைத்து வாகனங்களிலும் பயணிக்க முடியும். மற்றும் ஒவ்வொரு மணித்தியாலத்துக்கும் அல்லது ஒவ்வொரு 1/2 மணித்தியாலத்துக்கும் ஒரு தடவை சுவிட்சர்லாந்தின் அனைத்து பிரதான ரயில் நிலையங்களிலும் ரயில் வந்த படியே இருக்கும். எனவே ஒன்றுக்கு மேற்பட்ட ரயில்களில் பயணிக்கும் போது சராசரியாக 20 நிமிடங்களுக்குள் எந்த ஒரு ரயில் நிலையத்திலும் தேவையான ரயிலைக் கைப்பற்ற முடியும். ரயிலில் டிக்கெட் இன்றி பலதடவை பயணித்து மாட்டிக்கொண்டால் அது ஒரு கிரிமினல் குற்றமாக கருதப்படும்.

12. சுவிஸ் அரசு சராசரியாக வேலை இல்லாதவர்களுக்கு 2 வருடங்களுக்கு உதவிப் பணம் அளிக்கும். இதில் சுற்றுலாப் பயணம் தவிர்த்து அவசிய பிராயணங்கள் மற்றூம் தங்குமிட செலவு ஆகியவையும் உள்ளடக்கப் பட்டுள்ளது.

இவை பல இணையத்தளங்களிலிருந்து திரட்டப்பட்ட தகவல்களாகும்