விபத்தா அல்லது சம்பவமா? தெரிந்து கொள்ளலாம் வாங்க.உலகின் அதிசயங்களும் ஆச்சரியங்களும் -4

விபத்தா அல்லது சம்பவமா? தெரிந்து கொள்ளலாம் வாங்க.உலகின் அதிசயங்களும் ஆச்சரியங்களும் -4

D-Day என்றால் என்ன?

D-Day , இது இந்த மாதம் சூன் 6 ஆம் நாள் அமெரிக்க ஐரோப்பிய நாடுகளில் நினைவு கூரப்பட்டது.
முதலாவது உலக யுத்தம் 1939 – 1944 வரை நடந்து,பல இலட்சக்கணக்கான உயிர்களை பலி கொண்டு, முடிவுக்கு வந்தது. சேர்மனிய நாசித் தலைவர் கிற்லரின் நாடு பிடிக்கும் ஆசையும்,மத வெறியும் இந்த யுத்தத்திற்கு வித்திட்டது எனலாம்.  ராசபக்சேக்கு சோனியா-இந்தியா துணை போனது போல்,இத்தாலியின் முசோலினி கிற்லருக்கு பக்க துணயானான்.



இந்த முசோலினி 1922-1943 வரை இத்தாலியை ஆட்சி செய்து,நேச நாடுகளுக்கு எதிராக கிற்லருடன் சேர்ந்து போரிட்டு தோற்றதை அடுத்து,1945 ஏப்ரலில் சுவிற்செலாந்திற்கு தப்பி ஓடிய போது,இத்தாலி கோமோ ஆற்றங்ககரையில் இத்தாலிய பார்ட்டிசான்களால் அவனும் அவன் மனைவி கிளாராவும் சுட்டுக் கொல்லப்பட்டனர்.

அந்த உலக யுத்தத்தில் நேச நாடுகள் நார்மாண்டி படையெடுப்பு (Invasion of Normandy)  -Battle of Normandy – ஒன்றை சூன் 1944 – ஆகத்து 1944 வரை நடத்தியது. அமெரிக்கா,கனடா,பிரித்தானியா கூட்டுப்படைகள் 156.000 வீரர்கள் கொண்ட படையை மேற்கு ஐரோப்பா ஊடாக நாசிப் படைகள் கட்டுப்பாட்டில் இருந்த பிரான்ஸ் வழியாக அனுப்பி முன்னேறியது.பிரான்சின் நோர்மண்டி கடற்கரை வழியாக சூன் 6 இல் இந்த முன்னேற்றம் தொடங்கியது. இந்த நாளை D-Day என அழைக்கிறார்கள்.



சேர்மனி 1940 மே தொடக்கத்தில் வடக்கு பிரான்சை கைப்பற்றியது.இதைத் தொடர்ந்து அமெரிக்கா, டிசெம்பர் 1941 இலும், பிரித்தானியா 1942 இலும் இந்த யுத்தத்தில் தங்களை ஈடுபடுத்த ஆர்மபித்தன. இந்த யுத்தத்தின் போது அமெரிக்க வீரர்களின் இழப்பு காரணமாக, சூன் 8 1944 இல் கல்லறை- Normandy American Cemetery ஐ அமெரிக்க உருவாக்க வேண்டி வந்தது.



முதலில் சூன் 5 இல் இந்த  D-Day  என்ற இராணுவ நடவடிக்கையை திட்டமிட்டிருந்தும் கால நிலை காரணமாக சூன் 6 ற்கு மாற்றப்பட்டது.

ஆகத்து 1944 இல் பிரான்ஸ் விடுவிக்கப்பட்டதும், சேர்மனிக்குள் நுழைய நேச நாடுகள் தயாராகின. இந்த நிலையில் ரூசியா கிழக்கில் இருந்து முன்னேறுவதைத் தடுக்க நாசிகள் படைகளை கிழக்கே அனுப்பலாம் என்பதால், அதைத் தடுக்க நேச நாடுகள் முயற்சியில் ஈடுபட்டன. இந்த நிலையில் சேர்மன் நாசிப் படைகள், மே 8 1944 இல் நிபந்தனையற்று சரணடைய முடிவு செய்தது. இதற்கு ஒரு வாரம் முன்னர் எப்ரல் 30 இல் கிற்லர் தற்கொலை செய்து கொண்டதாக செய்தி வந்ததும், சரணடைவதற்கு முன்வந்த காரணமாக இருக்கலாம்.



இந்த உலகப் போர் 1939 செப்டெம்பர் 1 இல், நாசி சேர்மனியின் போலாந்து மீதான படையெடுப்புடன் தொடங்கியதாகச் சொல்லப்படுகிறது.இந்த ஐரோப்பியப் போர் முடிவுக்கு வந்தாலும்,சப்பானிய படைகள் சோவியற் -மங்கோலியா பக்கமும் சீனா பர்மா ஊடாக இந்தியா பக்கமும் கால் பதிக்கத் தொடங்கிய நிலையில்,1943-45 காலகட்டத்தில் பசிபிக் பெருங்கடலின் தீவுக்கூட்டங்களைக் கைப்பற்றி, சப்பானியத் தாயகத் தீவுகளை நோக்கி முன்னேறிய அமெரிக்கா, ஆகஸ்ட் 1945ல் சப்பானின் ஹிரோஷிமா மற்றும் நாகசாகி நகரங்கள் மீது அணு குண்டுகளை வீசியது.



இதைத் தொடர்ந்து சப்பான் சரணடைய வேண்டிய கட்டாயத்தில் இரண்டாம் உலகப் போர் முடிவுக்கு வந்தது. ஐரோப்பிய பகுதிகளில் மட்டும் 48,231,700 பேர் வரை கொல்லப்பட்டனர்.



கிற்லர் எப்படி மக்களின் ஆதரவுடன் ஆட்சி செய்தான்? மற்றைய நாடுகளை போர் செய்யாமலேயே எப்படி வீழ்த்தினான்?

இனவாதக் கருத்துக்களை வெளியிட்டு சிங்கள மக்களைக் கையில் வைத்துக் கொண்டு ஆட்சி செய்யும் ராசபக்சேயின் அதே தந்திரம் தான். கிற்லர் தனக்கே உரித்தான பிரச்சார முறையை -Propaganda- கையாண்டான். கிற்லரின் பிரச்சார யுக்தி தான்,மக்கள் கிற்லரின் பின்னால் செல்லக் காரணமாயிற்று.. அதே சமயம் சில நாடுகள் அவற்றை உண்மை என நம்பி போர் இல்லாமலே நாசிப் படைகளிடம் வீழ்ந்தன.