ராஞ்சியில் இன்று 2வது டி20 போட்டி

by **Tamil** Fri Feb 12, 2016 6:20 am

ராஞ்சியில் இன்று 2வது டி20 போட்டி

பேட்டிங்குக்கு சாதகமான இந்த ஆடுகளம் இலங்கை வேகங்களுக்கு பெரும் சோதனையாக இருக்கும் என நம்பப்படுகிறது. இந்தியா வந்துள்ள இலங்கை அணி 3 டி20 போட்டிகள் கொண்ட தொடரில் விளையாடுகிறது. புனேயில் நடந்த முதல் போட்டியில், அனுபவமில்லாத வீரர்களுடன் களமிறங்கிய இலங்கை அணி மகத்தான வெற்றி பெற்றது. ஆடுகளம் வேகப்பந்து வீச்சுக்கு சாதகமாக இருந்ததால், இலங்கையின் வேகப்பந்து வீச்சாளர்களான ரஜிதா, ஷனாகா, சமீரா ஆகியோர் மொத்தம் 7 விக்கெட் வீழ்த்தி இந்திய அணியை 101 ரன்னில் சுருட்டினர்.இந்தியா, இலங்கை அணிகளுக்கு இடையேயான 2வது டி20 போட்டி, கேப்டன் டோனியின் சொந்த ஊரான ராஞ்சியில் இன்று நடக்கிறது.

ராஞ்சியில் இன்று 2வது டி20 போட்டி Daily_News_3332134485245

இந்நிலையில், 2வது டி20 ராஞ்சி ஜெஎஸ்சிஏ சர்வதேச ஸ்டேடியத்தில் இன்று நடக்கிறது. தொடரை இழக்காமல் இருக்க இப்போட்டியில் இந்திய அணி வென்றாக வேண்டிய கட்டாயத்தில் உள்ளது. புனே ஆடுகளம் ஆஸ்திரேலிய ஆடுகளங்களைப் போல இருந்த நிலையில், ராஞ்சி ஆடுகளம் ‘பக்கா’ இந்திய ஆடுகளங்களைப் போல அமைக்கப்பட்டுள்ளது. இது முழுக்க முழுக்க பேட்டிங்குக்கு சாதகமாக இருக்கும்.
எனவே, இன்றைய போட்டி இலங்கையின் வேகப்பந்து வீச்சுக்கு பெரும் சோதனையாக இருக்கும். அதே ேநரத்தில் இந்திய அணியின் வெற்றி வாய்ப்பு பிரகாசமடைந்துள்ளது. இந்திய பேட்ஸ்மேன்கள் அனைவருமே நல்ல பார்மில் உள்ளதால், முக்கியமான இப்போட்டியில் திறமையை காட்டுவார்கள் என எதிர்பார்க்கப்படுகிறது.
இன்றைய போட்டியில் ஜடேஜாவுக்கு பதிலாக ‘திடீர் ஸ்டாராக’ உருவெடுத்துள்ள ஸ்பின்னரும் ஆல்ரவுண்டருமான நேகிக்கு வாய்ப்பளிக்கப்படலாம். மண்ணின் மைந்தனான கேப்டன் டோனி தனது சொந்த மண்ணில் களமிறங்குவதால் இப்போட்டியில் கட்டாயம் வெற்றி தேடித் தருவார் என இந்திய ரசிகர்கள் ஆவலுடன் எதிர்பார்த்துள்ளனர்.
ராசியான இடம்
இந்திய அணிக்கு ராஞ்சி ஜெஎஸ்சிஏ சர்வதேச ஸ்டேடியம் ராசியானது. இதுவரை இங்கு 3 ஒருநாள் போட்டிகள் நடந்துள்ளன. 2 போட்டியில் இந்தியா வென்றுள்ளது. ஒரு போட்டியில் முடிவு இல்லை. இங்கு டி20 போட்டி நடப்பது இதுவே முதல் முறை. இப்போட்டி இரவு 7 மணிக்கு தொடங்குகிறது.

தினகரன்