Latest topics

பூரண மதுவிலக்கு கோரி மதுரை சட்டக்கல்லூரி மாணவி 3–வது நாளாக உண்ணாவிரதம்..

TamilYes :: செய்திக் களம் :: உடனடி செய்திகள்

Page 1 of 1

பூரண மதுவிலக்கு கோரி மதுரை சட்டக்கல்லூரி மாணவி 3–வது நாளாக உண்ணாவிரதம்..

by logu Sun Dec 29, 2013 7:59 am

மதுரை, டிச. 28–
மதுரை கே.புதூரை சேர்ந்தவர் ஆனந்தன். இவரது மூத்த மகள் நந்தினி. சட்டக்கல்லூரியில் 4–ம் ஆண்டு படித்து வருகிறார். தமிழகத்தில் பூரண மதுவிலக்கு கோரி கடந்த 3 ஆண்டுகளாக பல்வேறு போராட்டங்கள் நடத்தி வருகிறார். இவருக்கு கல்லூரி மாணவர்கள், சமூக அமைப்புகள் ஆதரவு தெரிவித்து வருகிறது.
இந்த நிலையில் கடந்த 23–ந்தேதி சென்னையில் உண்ணாவிரதம் இருக்கப் போவதாக கூறி தனது தந்தை ஆனந்துடன் மோட்டார் சைக்கிளில் புறப்பட்டு சென்றார். ஆனால் வழியிலேயே மறித்து மதுரைக்கு திருப்பி அழைத்து வரப்பட்டார்.
நேற்று முன்தினம் மதுரை வந்த நந்தினி அன்று மாலை ஆழ்வார்புரம் வைகை ஆற்று பகுதியில் தனது தந்தை, தங்கையுடன் உண்ணாவிரதம் மேற்கொண்டார்.
இதுபற்றிய தகவல் கிடைத்ததும் மதிச்சியம் போலீசார் சம்பவ இடத்திற்கு சென்று கைது செய்தனர். உடல் சோர்வாக இருந்த அவர்களை மதுரை அரசு ஆஸ்பத்தியில் சேர்த்தனர். ஆனால் அங்கும் உணவு ஏதும் சாப்பிடாமல் உண்ணாவிரதம் இருந்தார்.
இந்த நிலையில் எங்களுக்கு எந்த சிகிச்சையும் அளிக்க வேண்டாம் என எழுதி கொடுத்ததால் அவர்களுக்கு குளுக்கோஸ் ஏதும் ஏற்றவில்லை. இன்று 3–வது நாளாக உண்ணாவிரதம் இருந்து வருகிறார்கள். 3 பேரும் தண்ணீர் மட்டுமே அருந்தி வருகிறார்கள்.

logu: பண்பாளர்; Posts : 6689
Join date : 12/02/2010