அஞ்சலை நவீன உலகத்திற்கு அழைத்துச் சென்ற தமிழர்!(வீடியோ இணைப்பு)

by **மாலதி** Thu Dec 05, 2013 7:26 am

[You must be registered and logged in to see this image.]புறாவைப் பயன்படுத்தி தூது அனுப்புவது முதல், அஞ்சலகம் மூலம் கடிதங்களைப் பெற்றவரைக்கும் தகவல் தொடர்பானது ஒரு சீரான இடைவெளியில் வளர்ந்துகொண்டே வந்தது.

கணனி என்ற ஒரு வஸ்துவை கண்டுபிடித்த பிறகு, தொழில்நுட்பத்தில் ஏற்பட்ட அசுர வளர்ச்சியை யாராலும் தடுத்த முடியவே இல்லை.

வி.ஏ.சிவ அய்யாதுரை

கணனியுடன் இணையமும் பயன்பாட்டுக்கு வந்ததும் அதனுடைய வளர்ச்சி வேகம் இருமடங்காகியது என்றால் அது மிகையாகாது.
அதுவும் தகவல்தொடர்புக்கு பயன்படுத்தக்கூடிய சாதனங்களின் வளர்ச்சியும், அதனைச் சார்ந்த மென்பொருள்களின் வளர்ச்சியும் விண்ணைத் தொட்டது.
அந்த வகையில் நாம் அன்றாடம் தகவல் தொடர்புக்குப் பயன்படுத்தும் மின்னஞ்சல் சேவையும் ஒன்று. இந்த மின்னஞ்சல் சேவையை gmail உட்பட பல்வேறு நிறுவனங்கள் நமக்கு இலவசமாக அளிக்கின்றன.

[You must be registered and logged in to see this image.]

மின்சாரம் இல்லாத மனிதனுடைய வாழ்க்கையை எப்படிக் கற்பனை செய்ய முடியாதோ, அதைப் போலவே மின்னஞ்சல் இல்லாத மனித வாழ்க்கையை இனி நினைத்துப் பார்க்கவும் முடியாது.
தற்போது மின்னஞ்சல் இல்லையென்றால் உலகத்தில் முக்கியமான அலுவலக கோப்பு பரிமாற்றங்கள் முதல், தனிப்பட்ட தகவல் பரிமாற்றங்கள் வரை அப்படியே ஸ்தம்பித்து நின்றுவிடும். அந்த அளவிற்கு மின்னஞ்சலின் முக்கியத்துவம் அதிகரித்திருக்கிறது.
இத்தகைய பயன்மிக்க மின்னஞ்சலை கண்டுப்பிடித்து தகவல்தொடர்பு உலகிற்கு அர்பணித்தவர் ஒரு தமிழர் என்றால் நம்மால் நம்பமுடிகிறதா?
ஆம் மின்னஞ்சலைக் கண்டுபிடித்து, அதனை முதன் முதலாக உலகிற்கு அளித்தவர் ஒரு தமிழரே.

[You must be registered and logged in to see this image.]

V.A. சிவா அய்யாதுரை என்ற பெயர்கொண்ட இவர்தான் பயன்மிக்க மின்னஞ்சலை உருவாக்கியவர்.
மின்னஞ்சலைக் கண்டுபிடித்தபோது இவருக்கு பதினான்கு வயது மட்டுமே, மிகவும் இளவயதிலேயே இச்சாதனையை இவர் நிகழ்த்தியிருக்கிறார்.
அமெரிக்காவின் நியூஜெர்ஸி மாகாணத்தில் உள்ள நெவார்க் என்ற ஊரைச் சேர்ந்தவர் சிவா அய்யாதுரை. அவருடைய அம்மா மீனாட்சிக்குச் சொந்த ஊர்
தூத்துக்குடி மாவட்டத்தில் உள்ள பரமன்குறிச்சி. அப்பா யுனிலீவர் நிறுவனத்தில் உற்பத்தித்துறைத் தலைவராக இருந்தவர்.
இவருக்கு 7 வயது இருக்கும் போது இவரது குடும்பத்தினர் அமெரிக்காவின் நியூஜெர்ஸி மாகாணத்திற்க்கு குடிபெயர்ந்தனர். பள்ளியில் படிக்கும் பொழுதே FORTRAN, COBOL, PL/1, SNOBOL, BASIC, ஆகிய 5 மொழிகளை கற்றார்.

[You must be registered and logged in to see this image.]

பின்பு, 1978 இல் "யுனிவர்சிட்டி ஆப் மெடிஸின் அண்ட் டென்ஸ்ட்ரி"யில் கணனி புரோகிராம் பணியில் சேர்ந்தார்.
அப்போது அங்கே உள்ள அலுவலகத்தில் உள்ள எல்லா தகவல் பரிமாற்றங்களும் காகிதத்தில் எழுதப்பட்டு அதன் மூலமே நடந்தன.
இது மனித உழைப்பையும், நேரத்தையும் அதிகமாக எடுத்துக் கொண்டதால் இந்தத் தகவல் தொடர்பு பணியை கணனி மயமாக்க முடிவெடுத்தார்.
தொடர்ந்து பலநாட்கள் தூக்கம் இல்லாமல் கடுமையாக உழைத்து தகவல் தொடர்புக்கான கணனி புரோகிராமை தனது 14 வது வயதில் உருவாக்கினார்.
இதுவே இ-மெயில்(E-MAIL) என்று அழைக்கப்பட்டது.
பல இழுபறிகளுக்குப் பின்னரே இவர் கண்டுபிடித்த மின்னஞ்சலுக்கு அமெரிக்க அரசாங்கம் காப்புரிமை கொடுத்தது. 1982 ம் ஆண்டு ஆகஸ்ட் முப்பதாம் நாள்தான் முறையாக இவர் கண்டுபிடித்த மின்னஞ்சலுக்கு காப்புரிமையைப் பெற முடிந்தது.
இதற்கிடையில் இவர் கண்டுபிடித்த இந்த வியத்தகு கண்டுபிடிப்பிற்கு பலரும் சொந்தம் கொண்டாடியுள்ளார்கள்.

[You must be registered and logged in to see this image.]

மாணவப்பருவத்தில் தான் கண்டுபிடித்த மின்னஞ்சலுக்கு காப்புரிமைப் பெற நிறைய பிரச்னைகளை எதிர்கொண்டார்.
இதைப்போன்ற கஷ்டகாலம் மற்ற இளம் கண்டுபிடிப்பாளர்களுக்கும் வரக்கூடாது என்ற எண்ணத்தில் இவர் இன்னொவேஷன் கார்ப்ஸ் என்ற நிறுவனத்தை தொடங்கி, புதிய கண்டுபிடிப்பாளர்களை ஊக்குவிக்கும் வகையில் ஒரு லட்சம் டொலர் பரிசுத்தொகையும் அறிவித்திருக்கிறார்.
இன்றைய நிலையில் பல்வேறு தொழில்களுக்கு சொந்தக்காரரான சிவா அய்யாதுரை அமெரிக்காவின் பிரபல பல்கலைக்கழகம் MIT யில் விரிவுரையாளராக பணியாற்றி வருகிறார்.
அமெரிக்க தமிழர் பேரவை பெட்னா அவரை கௌரவித்து பாராட்டியிருக்கிறது.
இதன் மூலம் தமிழனின் பெருமையை உலகறியட்டும்.