இணையத்தில் தரவிறக்கம் செய்கிறீர்களா? எச்சரிக்கை,கவனிக்க வேண்டிய சில.

அனைவருமே இணையத்தில் இருந்து மென்பொருள் உட்பட தரவிறக்கம் செய்கிறோம். அப்படித் தரவிறக்குவது எவ்வளவு பாதுகாப்பானது என்று பார்ப்பது குறைவாகவே உள்ளது.அரசியல் கட்சிகள்,சாமியார்கள்,நடிகர்கள் சொல்வதை அப்படியே நம்பி விடுவது போல்,நம்பி மோசம் போகிறோம். எங்கே தவறுகள்,எப்படியான தளத்தில் இருந்து தரவிறக்கலாம்?

சிலர் இணையத்தில் வைத்தே வைரஸ்,மால்வெயர் ஸ்கன் செய்து பின்னர் தரவிறக்குகிறார்கள். இது ஒரு பாதுகாப்பான முறை என்றாலும் கூட, யாருக்கும் தெரியாமல் நுழைந்து விடும் மால்வெயர்கள்,ஆபத்தான adware கள் இருக்கவே செய்கின்றன. சில நல்ல சிறப்பான Ccleaner,VLC,Foxit,Firefox,Chrome,LibreOffice போன்ற மென்பொருட்கள் இலவசமாகக் கிடைக்கின்றன. ஆனால் அவை எங்கிருந்து கிடைக்கின்றன என்பதே கேள்விக்குறியாக இருக்கும்.

இவை மூன்றாம் தரப்பு இணையத்தளங்களில் இருந்து தரவிறக்கப்படும் போது,கூடவே adware,Browser Toolbars,spyware களையும் கூடவே கூட்டி வந்து விடுகின்றன. சில சமயம் நாம் த்ரவிறக்கும் போது அல்லது இன்ஸ்டால் செய்யும் போது,நீக்கி (uncheck) செய்தாலும்,அவை மறைந்து -hide- ஆக உள் நுழைந்து விடும்.எல்லாம் முடிந்ததும் நமக்குத் தெரியாமலேயே ஒட்டிக் கொள்ளும் அல்லது பின்னால் இருந்து வேலை செய்யத் தொடங்கி விடும்.சில சமயம் Ask Toolbar ஜாவா வுடன் சேர்ந்து வந்து விடும். அதைப் பின்னர் நீக்குவது சிரமம். நாம் நீக்கி விட்டாலும் கூட பின்பக்கம் இருந்து கொண்டு வேலை செய்யத் தொடங்கும்.

Adobe Flash Player தரவிறக்கம் செய்யும் போது,McAfee வரும் அல்லது வேறொரு மூன்றாம்தரப்பு தளங்களுக்கூடாக இணைக்கப்ப்டௌம்.இப்படி பல வேண்டா விருந்தாளியாக வந்து,  சில நமக்குத் தெரியாமலேயே பின்புறத்தில் இயங்கிக் கொண்டிருக்கும்.

BitTorrent client ஆக இருக்கும் μTorrent சிறந்த தளமாக இருந்தாலும்,நாம் தரவிறக்கம் செய்யும் போது VLC Player ஐ இணைக்க சிபார்சு செய்யும்.நாமும் சரி என்று சொல்லிக் கொண்டு அங்கே செல்வோம். அந்தத் தளம் மூன்றாம் தரப்பு தளமாக இருக்கும். அங்கிருந்து நாம் அழைக்காமலேயே சைத்தான் வந்து விடும். இது தான் நம்பி மோசம் போவதென்பதாகும்.

μTorrent ம் VLC உம் நல்லதுதான்.ஆனால் VLC ஐத் தரவிறக்கிய தளம் மூன்றாம் தரப்பு தளமாயிற்றே! சில சமயம் Conduit Search என்ற adware வந்து விடும். இதுவும் அடித்துத் துரத்தினாலும் போகமாட்டேன் என்று அடம் பிடிக்கும்.சில சமயம் Recommended by BitTorrent எனக் காட்டும்.நாம் சென்று தரவிக்குவோம்.மோசம் போய் விடுவோம்.

μTorrent பாவித்து தரவிறக்கம் செய்பவர்கள்,Settings இல் Decline offer என்பதை தெரிவு செய்வதால் இவற்றை தடுக்கலாம்.தரவிறக்கும் போது,Beware of online scams! என அறிவுறுத்தும்,VLC போன்றவற்றை Recommend செய்யும். அதே சமயம் VLC ஐ தரவிறக்க கொண்டு செல்லும் தளம் மூன்றாம் தரப்பு பக்கமாக இருக்கும்.இதைக் கவனிக்க வேண்டும்.

சில சமயம் download manager ஒன்றையும் சேர்த்து தரும். இடது கீழ் மூலையில் பார்த்தால்,googleadservices.com  எனவும் காட்டும்.இவை பற்றிக் கவனம் தேவை. முடிந்தவரை இணையத்தில் வைத்து ஸ்கன் செய்து பின்னர் தரவிறக்குவதும்,இன்ஸ்டால் செய்யும் போது,எல்லாவற்றுக்கும் OK கொடுக்காது,படித்து விட்டு Yes கொடுப்பதும் நல்லதாகும்.நம்பிக்கையான தளங்களில் இருந்து தரவிறக்கம் செய்வதுடன்,Bloatware பற்றியும் கவனம் செலுத்துவது சிறந்தது.

ஆம் இது போல அனுபவம் நிறைய உள்ளது

அருமை அருமை
பயனுள்ள தகவல் பதிவு