இணையத்தில் இனி ஆடையை தொட்டுப் பார்த்து வாங்கலாம்! குஷியில் பெண்கள்

by **அருள்** Wed Oct 12, 2011 7:34 am

இனி பெண்களுக்கு ஒரே
கொண்டாட்டம் தான். ஏன் என்று கேட்கிறீர்களா? இன்டர்நெட் வழியாக அதாவது
ஆன்லைனில் ஷாப்பிங் செய்யும் போதும் இனிமேல் பொருட்களை தொட்டுப் பார்த்து
வாங்கலாம்.

ஷரோன் பர்லே என்ற பேராசிரியரே மேற்படி தகவலை வெளியிட்டுள்ளார்..
லண்டனின் ப்ரூனல் பல்கலைக்கழகத்தில் ஆடை வடிவமைப்பு துறையில் பேராசிரியராக
இருக்கிறார்.

இவரது தலைமையில் ஆடை வடிவமைப்பு மற்றும் இணையதள நிபுணர்கள் கொண்ட
குழுவினர் ‘டிஜிட்டல் சென்சோரியா’ digital sensoria என்ற தலைப்பில் ஒரு
ஆய்வு மேற்கொண்டு வருகின்றனர்.

ஆராய்ச்சி பற்றி ஷரோன் கருத்துத் தெரிவிக்கையில்,

அனிமேஷனில் ஒரு வகை ‘ஸ்டாப் மோஷன் அனிமேஷன்’. அதாவது, பொம்மைகளை கொஞ்சம்
கொஞ்சமாக நகர்த்தி, ஒவ்வொரு நகர்வுகளையும் படமெடுத்து, அதை படமாக
ஓட்டுவது.

இந்த டெக்னிக்கையும் தொடுதிரை (டச் ஸ்கிரீன்) தொழில்நுட்பத்தையும்
இணைத்து புதுவித தொழில்நுட்பம் உருவாக்கும் ஆராய்ச்சியில் ஈடுபட்டுள்ளோம்.

ஐபோன், ஐபேட், டேப்லட் கம்ப்யூட்டர்களின் டச் ஸ்கிரீன் உதவியுடன்,
நிஜத்தில் துணியை தொட்டுப் பார்ப்பதுபோன்ற உணர்வை பெற முடியும். அடிப்படை
தொழில்நுட்பம் தயாராகிவிட்டது.

அதை மேம்படுத்தி மெருகூட்டுவதற்கான ஆய்வு நடந்து வருகிறது.

இனி தொட்டுப் பார்த்து பார்த்து கணினியின் தொடுதிரையும் தேயப் போகிறது.

இணையத்தில் இனி ஆடையை தொட்டுப் பார்த்து வாங்கலாம்! குஷியில் பெண்கள் Aadai