’பொன் முட்டையிடும் வாத்தாக இருந்த 2 ஜி-யை கொன்று விட்டார்கள்’ – மத்திய அமைச்சர்(கள்) வேதனை!!

by **ஜனனி** Fri Nov 16, 2012 7:35 pm

””பரபரப்பிற்க்காக தங்க முட்டையிடும் ஒரு வாத்தை கொன்று
விட்டார்கள். தற்போது அரசு எதிர்பார்த்த வருவாயை ஈட்ட முடியாமல் ஏலம்
தோல்வியில் முடிந்தது விட்டது. இப்படி ஆகும் என்று நான் ஏற்கெனவே கூறினேன்
இந்தத் தோல்வி யானது உச்ச நீதிமன்ற அறிவுறுத்தலால் மத்திய தணிக்கைக் குழு
சி.ஏ.ஜியின் முடிவினால் ஏற்பட்ட ஒன்றுதான் “’ என்று மத்திய அமைச்சர் கபில்
சிபல் வருத்தத்துடன் தெரிவித்தார்.

சமீபத்தில் நடைபெற்ற 2ஜி ஸ்பெக்ட்ரம் ஏலத்தில் அரசுக்கு ரூ.40 ஆயிரம்
கோடி வரை வருவாய் கிடைக்கும் என எதிர்பார்க்கப்பட்டது. ஆனால் 2 நாட்கள்
நடந்த இந்த ஏலத்தில் ரூ.9407 கோடிக்கு மட்டுமே அலைக்கற்றை ஏலம் போனது.
ஏற்கனவே நடந்த ஏலத்தில் ரூ.1.76 லட்சம் கோடி இழப்பு ஏற்பட்டதாக சி.ஏ.ஜி.
அறிக்கை வெளியிட்டது. அப்படியென்றால் இந்த முறை அடிப்படை விலையை விட
குறைவாக ஏலம் போனது ஏன்? என்பது உள்ளிட்ட பல்வேறு கேள்விகள் எழுந்துள்ளன.
’பொன் முட்டையிடும் வாத்தாக இருந்த 2 ஜி-யை கொன்று விட்டார்கள்’ – மத்திய அமைச்சர்(கள்) வேதனை!! Chidambaram-kabil-sibal-manish-tewari-in-pressmeet_

’பொன் முட்டையிடும் வாத்தாக இருந்த 2 ஜி-யை கொன்று விட்டார்கள்’ – மத்திய அமைச்சர்(கள்) வேதனை!! Chidambaram-kabil-sibal-manish-tewari-in-pressmeet_

இதையடுத்து சி.ஏ.ஜி. மதிப்பீடு செய்து வெளியிட்ட அறிக்கையை மறுபரிசீலனை
செய்ய வேண்டும் என்றும் வலியுறுத்தப்பட்டது. இந்நிலையில் 2ஜி ஸ்பெக்ட்ரம்
ஏலம் குறித்து மத்திய நிதித்துறை மந்திரி ப.சிதம்பரம், தொலைத்
தொடர்புத்துறை மந்திரி கபில் சிபல் ஆகியோர் கூட்டாக இன்று விளக்கம்
அளித்தனர். அப்போது கபில் சிபல்,””2 ஜி ஸ்பெக்ட்ரம் ஏலத்தில் போதிய
வரவேற்பு இல்லாததற்கு சி.ஏ.ஜி.யே காரணம். 2ஜி முறைகேடு தொடர்பான சி.ஏ.ஜி.
அறிக்கையை பரபரப்பாக்கியதால் தொலைத்தொடர்புத்துறைக்கு சரிவு ஏற்பட்டுள்ளது.

தங்க முட்டையிடும் வாத்தாக இருந்த தொலைத்தொடர்புத்துறை தற்போது
சிதைக்கப்பட்டுள்ளது. உச்சநீதிமன்ற உத்தரவுப்படிதான் தற்போது 2ஜி
ஸ்பெக்ட்ரம் ஏலம் விடப்பட்டுள்ளது.கொள்கை முடிவுகளை அரசுதான் எடுக்க
வேண்டும். கொள்கையில் தவறு ஏற்பட்டால் மட்டுமே குறுக்கிட வேண்டும்.
இழப்பீடு குறித்து தவறான குற்றச்சாட்டு கூறப்பட்டுள்ளது.”’
என்று அவர் கூறினார்

அத்துடன் இதில் மும்பை, டில்லி, கர்நாடகா மற்றும் ராஜஸ்தான் ஆகிய
சர்க்கிள்களை யாரும் ஏலத்தில் எடுக்க வில்லை. இந்த சர்க்கிள்களுக்கான ஏலம்
வரும் மார்ச் 31ம் தேதிக்குள் நடத்தப்படும் என மத்திய அமைச்சர் கபில் சிபல்
தெரிவித்துள்ளார்.

நிதி அமைச்சர் சிதம்பரம் கூறுகையில்,” ‘2ஜி முறைகேட்டால் ரூ.1.76
லேட்சம் கோடி இழப்பு என்று கூறுவது தவறான கருத்து. 2ஜி ஏலம் தோல்வியை
நாங்கள் கொண்டாடவில்லை. சர்வதேச பொருளாதார நிலைமை மோசமாக இருக்கிறது.
இந்தியாவிலும் அந்த நிலைமை வந்துவிடக்கூடாது என்பதற்காக அதை சரிசெய்யும்
நடவடிக்கை மேற்கொள்ளப்பட்டு வருகிறது. அடுத்த ஆண்டுக்குள் சரிசெய்வோம்.
நடப்பு ஆண்டில் பொருளாதார சூழ்நிலை மேம்படும்.

பாராளுமன்ற மழைக்கால கூட்டம் சரியாக நடைபெறவில்லை. குளிர்கால கூட்டத்தை
சுமூகமாக நடத்த எதிர்க்கட்சிகள் ஒத்துழைக்க வேணடும். அன்னிய நேரடி
முதலீட்டுக்கு அனுமதி அளித்தது தொடர்பாக பாராளுமன்றத்தில் எந்த விதியின்
கீழ் விவாதிப்பது என தெரியவில்லை’” என்றார்.

மேலும் “இதற்கு முந்தைய ஏலத்தினால் அரசுக்கு ரூ.1.76 லட்சம் கோடி இழப்பு
ஏற்பட்டதாக மத்திய கணக்கு தணிக்கை அதிகாரி அளித்த மதிப்பிட்டு அறிக்கை
குறித்து விளக்கம் அளிக்க வேண்டும் ”என்று மத்திய இணை மந்திரி நாராயணசாமி
வலியுறுத்தியுள்ளார்.

இது தொடர்பாக சென்னையில் அவர் நிருபர்களிடம் கூறுகையில், ”‘ஸ்பெக்ட்ரம்
விஷயத்தில் சி.ஏ.ஜி. தவறாக கணித்துள்ளது. அது, இப்போதைய ஏலத்தின் மூலம்
நிரூபிக்கப்பட்டிருக்கிறது. இதற்கு சி.ஏ.ஜி. விளக்கம் அளிக்க வேண்டும்’
என்றார்.

Hen that laid golden egg destroyed: Telecom Minister Sibal on flop 2G auction
*********************************************************************************
The flop auction of second-generation or 2G airwaves has led to the
government admonishing “I told you so.” Telecom Minister Kapil Sibal
appeared to blame both the Supreme Court -which had ordered the auction –
and the government’s auditor, CAG, which said that the country had lost
upto Rs. 1.76 lakh crore because telecom licences and spectrum were not
auctioned in 2008.