தமிழகம்:பாலியல் குற்றச்சாட்டுள்ள PSBB பள்ளி யாருக்குச் சொந்தம்?

PSBB பள்ளியின் சாதிய மனநிலை, பாலியல் குற்றச்சாட்டு





சென்னை பத்மா சேஷாத்ரி பால பவன் பள்ளியின் கே.கே.நகர் கிளையில் வணிகவியல் ஆசிரியராகப் பணியாற்றும் ராஜகோபாலன் மீது அந்தப் பள்ளியில் படிக்கும் மாணவர்கள் பாலியல் வன்முறை புகாரை எழுப்பியுள்ளனர். இதுதொடர்பாக அந்தப் பள்ளியின் முன்னாள் மாணவி ஒருவர் தனது இன்ஸ்டாகிராம் பக்கத்தில் தனக்கு வந்த புகார்கள் அனைத்தையும் தொகுத்து பகிர்ந்துள்ளார்.

இது குறித்து பல முறை நிர்வாகத்திடம் கடிதம் எழுதி உள்ளோம், ஆனால் நிர்வாகம் எந்த நடவடிக்கையும் இதுவரை எடுத்தது இல்லை என பதிவுகளில் மாணவர்கள் தெரிவித்துள்ளனர்

அந்த பதிவுகளில் கே.கே நகர் கிளை மட்டும் அல்லாமல் அப்பள்ளியின் நுங்கம்பாக்கம் கிளை, கெருகம்பாக்கம் கிளை மற்றும் அவர்களது இடைநிலை பள்ளிகளிலும் இதுபோன்ற ஏராளமான குற்றச்சாட்டுகள் பகிரப்பட்டு வருகிறது.

பகிர்வுகளை எழுதும் பெயர் வெளியிட விரும்பாத மாணவ மாணவிகள் “அப்பள்ளி சாதி வெறி பிடித்தவர்களால் நிரப்பப்பட்டது. பார்ப்பனீய சித்தாந்தத்தை முன்வைக்கக்கூடிய பள்ளி, இளம் மாணவிகளை அவர்களின் உடை தேர்வு உட்பட அவர்களது தனிப்பட்ட வாழ்க்கையை விமர்சித்து சித்தரவதை செய்வார்கள்” எனக் குறிப்பிட்டு உள்ளனர்.

கெருகம்பாக்கம் கிளையில் உள்ள பவானி எனும் ஆசிரியர் பற்றி ஒரு மாணவி பதிவு செய்தது அதிர்ச்சி அளிக்கும் வகையில் உள்ளது. அவரின் பதிவு,

“எனக்கு உடல்நிலை சரியில்லாமல், விடுப்பு எடுக்க வேண்டியிருந்தபோது அவர் என்னை கீழ்த்தரமாக பேசினார். மற்றறொரு மாணவரை தண்டனை எனும் பெயரில் வகுப்பறையில் உடைகளை கழட்ட வைத்தார்.”

PSBB இடைநிலை பள்ளி ஒன்றில் பணியாற்றிய சமஸ்கிருத ஆசிரியர் குறித்து, “அவர் மிக கேவலமாக பேசுவார், மாணவர்களை உடல் ரீதியாக துன்புறுத்துவார், மாணவ, மாணவிகளிடம் தகாத முறையில் நடந்து கொள்வார், பெண்களின் மாற்று அறைக்குள் தற்செயலாக நுழைந்தது போல் உள்ளே வருவார். எல்லோருக்கும் இது பற்றி தெரியும் என்று நான் உறுதியாக நம்புகிறேன், ஆனால் யாரும் எந்த நடவடிக்கையும் எடுக்கவில்லை, ஏனெனில் அவர் YGP ஆல் நியமிக்கப்பட்டவர் ” எனக் கூறப்பட்டு இருக்கிறது.

இப்பகிர்வுகள் அதிர்ச்சி ஏற்படுத்தவே, திமுகவின் எம்.பி கனிமொழி, பாடகி சின்மயி உட்பட பலரும் அரசு உடனடியாக நடவடிக்கை எடுக்குமாறு கோரிக்கை வைத்துள்ளனர். இந்நிலையில் ஆசிரியர் ராஜகோலப்பனை இடைநீக்கம் செய்தது PSBB பள்ளி. புகார்கள் தொடர்பாக கே.கே நகர் பள்ளியில் போலீசார் விசாரணை நடத்தி வருகின்றனர். குற்றங்கள் நிரூபிக்கப்பட்டால் கடும் நடவடிக்கை எடுக்கப்படும் என பள்ளிக்கல்வித்துறை அமைச்சர் அன்பில் மகேஷ் தெரிவித்துள்ளார்.

இதுகுறித்து பேச பள்ளி நிர்வாகத்திற்கு தொடர்பு கொண்ட போது, அழைப்பு இணைக்கப்படவில்லை, துண்டித்து வைக்கப்பட்டு இருக்கலாம் எனத் தோன்றுகிறது. பள்ளி நிர்வாகத்தின் தரப்பில் பதில் அளிக்கும் பட்சத்தில் அதையும் இணைக்கிறோம்.



கடந்த 2012 ஆம் ஆண்டு நான்காம் வகுப்பு படிக்கும் ரஞ்சன் எனும் மாணவன் கே.கே நகர் கிளையில் உள்ள பத்மா சேஷாத்ரி பால பவன் பள்ளி நீச்சல் குளத்தில் மூழ்கி பலியானார், இதையடுத்து விசாரணை நடத்திய போலீசார் அப்பள்ளியின் இயக்குனர் ஷீலா ராஜேந்திரனை கைது செய்தனர். எனினும், அன்றே அவர் ஜாமீனில் வெளிவந்தார் என்பது குறிப்பிடத்தக்கது.

(YT)

தமிழகத்தில் ஆலமரக் விழுதுகளாக   பத்மா சேஷாத்ரி பள்ளி நிர்வாகத்தை குடும்பத்தினர் படந்ந்துள்ளனர் சமூக வலைதளங்களில் பகிரப்பட்டு வருகிறது. பத்மா சேஷாத்தி பள்ளி மீதான பாலியல் புகார், விதிமீறிய கட்டிடங்கள் என அடுக்கடுக்கான புகார்கள் எழுந்து வருகின்றன.

காமெடி நடிகர் ஒய்.ஜி.மகேந்திரனின் அப்பா ஒய்.ஜி.பார்த்தசாரதி. புகழ்பெற்ற அமெச்சூர் நாடகக் குழுவை நிறுவி நடத்திய நடிகர்.

பார்த்தசாரதியின் சகோதரி வசுந்தராதேவி அந்தகாலத்து புகழ்பெற்ற சினிமா நடிகை.



வசுந்தராதேவியின் மகள்தான் தமிழில் இருந்து பாலிவுட் வரை சென்று வெற்றிக்கொடி நாட்டிய வைஜயந்திமாலா. இவருடைய மகன் சுசிந்தீராவும் நடிகர்தான்.

ஒய்.ஜி.மகேந்திரனின் அம்மா ராஜலட்சுமி, சென்னையின் புகழ்பெற்ற பத்மாசேஷாத்ரி பள்ளிகளின் நிறுவனர். பள்ளி ஆரம்பிப்பதற்கு முன்பாக குமுதம், இந்து பத்திரிகைகளில் பணிபுரிந்த பத்திரிகையாளர் இவர்.

ராஜலட்சுமியின் பாட்டனார் ரங்கச்சாரி அவர்கள்தான் இந்தியாவில் சென்ஸார் போர்டையே கொண்டுவந்தவர்.

ராஜலட்சுமியின் சகோதரர் கே.பாலாஜி, புகழ்பெற்ற நடிகர் மற்றும் தயாரிப்பாளர்.

பாலாஜியின் மகன் சுரேஷ்பாலாஜியும் அப்பாவை போலவே புகழ்பெற்ற தயாரிப்பாளர்.

கே.பாலாஜியின் மகள் சுசித்ரா, மலையாள சூப்பர் ஸ்டார் மோகன்லாலை திருமணம் செய்துக் கொண்டிருக்கிறார்.

மோகன்லாலின் மகன் பிரணவ்வும் இப்போது ஹீரோவாகி இருக்கிறார். கமல்ஹாசனின் ‘பாபநாசம்’ படத்தில் உதவி இயக்குநராக பணிபுரிந்தவர் இவர்.

மகேந்திரனின் மனைவி சுதாவின் தங்கை லதா.
இவர்தான் சூப்பர்ஸ்டார் ரஜினிகாந்தை மணந்துக்கொண்டு லதாரஜினிகாந்த் ஆனார். சென்னையின் புகழ்பெற்ற ஆஸ்ரம் பள்ளியின் நிறுவனர் இவர்.



லதாவின் மகள் ஐஸ்வர்யா, இளம் நடிகர் தனுஷை மணந்தார். ஐஸ்வர்யாவும் சினிமா இயக்குகிறார்.
லதா ரஜினிகாந்தின் இன்னொரு மகள் செளந்தர்யாவும் தயாரிப்பு, இயக்கம் என்று திரைத்துறையில் ஈடுபட்டிருக்கிறார்.

தனுஷின் அண்ணன், செல்வராகவன், தமிழகத்தின் முன்னாள் அட்வகேட் ஜெனரல் பி.எஸ்.ராமனின் மகள் கீதாஞ்சலியை மணந்திருக்கிறார்.

லதாரஜினிகாந்தின் தம்பி ரவிராகவேந்திராவும் நடிகர்.
ராகவேந்திராவின் மகன் அனிருத், இப்போது பிரபலமான இசையமைப்பாளர்.

அனிருத்தின் சித்தி மகன் ரிஷிகேஷும் நடிகரே. ரிஷிகேஷின் அப்பா எஸ்.வி.ரமணன், அந்தகாலத்தில் ரஜினியை பேட்டியெடுத்து தூர்தர்ஷனில் ஒளிப்பரப்பிய பத்திரிகையாளர்.

எஸ்.வி.ரமணின் அப்பா கே.சுப்பிரமணியம், தமிழ் சினிமாவின் ஆரம்பகால இயக்குநர்களில் முக்கியமானவர்.



கே.சுப்பிரமணியத்தின் மகள் புகழ்பெற்ற நடனக்கலைஞர் பத்மா சுப்பிரமணியம்.

கே.சுப்பிரமணியத்தின் இன்னொரு மனைவிக்குப் பிறந்தவர் இசைக்கலைஞர் ‘அபஸ்வரம்’ ராம்ஜி.

கே.சுப்பிரமணியத்தின் இன்னொரு மகளான பாமாவின் மகன்தான் நடன இயக்குநர் ரகுராம் மாஸ்டர்.

ரகுராம் மாஸ்டரின் மனைவி கிரிஜாவும் நடன இயக்குநர்தான்.

கிரிஜாவின் சகோதரிகள் ஜெயந்தி, கலா, பிருந்தா ஆகியோரும் நடன இயக்குநர்களே.

ரகுராம் – கிரிஜா தம்பதியினரின் மகள் நடிகை காயத்ரி ரகுராம். இப்போது பாஜகவில் முக்கியப் பிரமுகராக இருக்கிறார்.

ஒய்.ஜி.மகேந்திரனின் மகள் மதுவந்தி, ஜெமினி – சாவித்திரி தம்பதியரின் மகள் டாக்டர் சாமூண்டிஸ்வரியின் மகன் அருணை மணந்திருக்கிறார்.

ரஜினியை வலுக்கட்டாயமாக அரசியலுக்கு வரச்சொல்லி வற்புறுத்தியது எந்தப் பின்னணி என்று புரிகிறதா?

இதெல்லாம் நமக்கு வெளிப்படையாக தெரிந்த லிங்க். வெளிப்படையாக தெரியாமல் படர்ந்த வலை எவ்வளவோ?

வைஜயந்திமாலா, தன்னுடைய சுயசரிதையில் தங்கள் குடும்பத்தை மைசூர் பரம்பரை என்கிறார். புகழ்பெற்ற அறிஞர்களும், அர்ச்சகர்களும் இவர்களது முன்னோர்களாம். இவர்களது முன்னோர் வந்தால் மைசூர் அரசர்களே எழுந்து நின்று வரவேற்பார்களாம்.

ஒருவேளை ஜெயலலிதாவும் இதே குடும்பத்தின் வேறொரு கிளையில் உதித்தவரோ என்னமோ?

வாசகர்களே தலைசுற்றுகிறதோ? தமிழகத்தின் பெரும்பாலான தொழில் நிறுவனங்கள் இதுபோன்ற ஒருசில குடும்பத்தினரின் கட்டுப்பாட்டுக்குள்தான் உள்ளது என்பதை யாரும் மறுக்க முடியாது.இதைதான் பசுத்தோல் போர்த்த புலி என்கிறார்களா?

(A.T.S Pandian/Krishna Kumar)