Latest topics

சிங்கப்பூரில் கலவரத்தில் ஈடுபட்ட 52 இந்தியர்கள் நாடு கடத்தப்படுகின்றனர்

TamilYes :: செய்திக் களம் :: உடனடி செய்திகள்

Page 1 of 1

சிங்கப்பூரில் கலவரத்தில் ஈடுபட்ட 52 இந்தியர்கள் நாடு கடத்தப்படுகின்றனர்

by மாலதி Wed Dec 18, 2013 7:56 am

சிங்கப்பூர், டிச.18-

சிங்கப்பூரில் கடந்த 8-ந் தேதி அன்று நடந்த வாகன விபத்தில் தமிழ்நாடு புதுக்கோட்டை மாவட்டத்தை சேர்ந்த வாலிபர் ஒருவர் பலியானார். இதைத் தொடர்ந்து அங்கு பெரிய அளவில் கலவரம் மூண்டது. சுமார் 40 வாகனங்கள் தீ வைத்து கொளுத்தப்பட்டன. போலீசார் உள்பட ஏராளமானோர் காயம் அடைந்தனர்.

இந்த சம்பவத்தை தொடர்ந்து, கலவரப்பகுதியில் மது விற்பனைக்கு தடை விதிக்கப்பட்டது. பஸ் போக்குவரத்து ரத்து செய்யப்பட்டது. வெளிநாட்டினரை வேலைக்கு அமர்த்தும் கொள்கை விதிகள் மேலும் கடுமையாக்கப்படும் என்று அந்த நாட்டு அரசு அறிவித்தது.
சிங்கப்பூரில் கலவரத்தில் ஈடுபட்ட 52 இந்தியர்கள் நாடு கடத்தப்படுகின்றனர் A62f737a-12bb-4d9c-a260-27948c5ec4fe_S_secvpf

சிங்கப்பூரில் கலவரத்தில் ஈடுபட்ட 52 இந்தியர்கள் நாடு கடத்தப்படுகின்றனர் A62f737a-12bb-4d9c-a260-27948c5ec4fe_S_secvpf

கலவரத்தில் ஈடுபட்டு சிறையில் அடைக்கப்பட்டுள்ள 53 பேரை நாடுகடத்த சிங்கப்பூர் அரசு முடிவு செய்துள்ளது. இதில் 52 பேர் இந்தியர்கள் ஆவர். ஒருவர் வங்காளதேசத்தை சேர்ந்தவர். விரைவில் அவர்கள் சொந்த நாட்டுக்கு திருப்பி அனுப்பப்பட உள்ளனர். இவர்கள் மீண்டும் சிங்கப்பூருக்கு திரும்பிச்செல்ல அனுமதிக்கப்படமாட்டார்கள் என்றும் சிங்கப்பூர் போலீசார் தெரிவித்தனர்.

28 இந்தியர்கள் மீது வழக்கு பதிவு செய்யப்பட்டு விசாரணை நடக்கிறது. அவர்களுக்கு 7 ஆண்டுகள் வரை சிறை தண்டனை கிடைக்கும் என்று தெரிகிறது. மேலும் விசாரணை நடத்தப்படும் 200 இந்தியர்கள், எச்சரிக்கை விடப்பட்டு சிங்கப்பூரில் தொடர்ந்து தங்கி இருக்க அனுமதிக்கப்பட்டனர்.

[You must be registered and logged in to see this link.]

மாலதி: பண்பாளர்; Posts : 17076
Join date : 12/02/2010