நான் ராஜாவாகப் போகிறேன் விமர்சனம்!

Review
by : தமிழ்ஸ்டார்

Starring

நகுல், சாந்தி, னி அவனி மோடி, டெல்லி கணேஷ், தியாகு, மயில்சாமி, கிரேன், மனோகர், மூணாறு ரமேஷ்

Direction
பிருத்விராஜ் குமார்
Music
ஜி.வி.பிரகாஷ் குமார்
Production

வெற்றிமாறன்பிருத்வி
ராஜ்குமார் இயக்கத்தில் நகுல் இரண்டு கதாபாத்திரத்தில் நடித்து
வெளியாகியுள்ள திரைப்படம் நான் ராஜாவாகப் போகிறேன். நகுலுடன் சாந்தினி,
அவனி மோதி ஆகியோரும் நடித்துள்ளனர்.



இமாச்சல் பிரதேசத்தில் அம்மாவின் செல்லப் பிள்ளையாக வளர்ந்து வரும் நகுலின் பெயர் ஜீவா. அமைதியான சூழ்நிலையில் அன்புடன் வளர்ந்து
வரும்
ஜீவா அங்கு ஒரு இராணுவ அதிகாரியை சந்திகிறார். அவர் மூலமாக தன்னைப் போலவே
ஒருவன் சென்னையில் இருக்கிறான் என்ற உண்மை ஜீவாவுக்கு தெரியவருகிறது. தன்னை
போல்வே இருப்பவனை பார்க்க வேண்டும் என்று இயற்கையாக ஏற்படும் ஆர்வத்தில்
சென்னைக்கு கிளம்புகிறார் ஜீவா.



ராஜாவை
சந்திப்பதற்கு முன் அவனைப் பற்றி தெரிந்துகொள்ள விரும்பி ராணுவ
அதிகாரியிடமிருந்து பெற்ற தகவலின் மூலம் ராஜாவின் ஒருதலைக் காதலியை
சந்தித்து உண்மையை சொல்லுகிறார். ஒரே மாதிரி இருவரா? என வியக்கும் ஹீரோயின்
ரீமா(அவனி மோதி) ஜீவாவுடன் ராஜாவை சந்திக்க பயணமாகிறார்.



சென்னைக்கு வந்த
கொஞ்ச நாட்களிலேயே, ஜீவா எனும் நகுல் தான் ராஜா என்பதும் தெரிய வருகிறது.
அவரது காதலி சாந்தினி என்ன ஆனார்? ராஜா - ஜீவாவாகக் காரணம் யார் யார்...?
அவர்‌களை ஜீவா அலைஸ் ராஜா எனும் நகுல் எவ்வாறு பழிதீர்த்தார்? காதலி
சாந்தினியை கரம் பிடித்தாரா...? இல்லையா...? என்பது நான் ராஜாவாகப்போகிறேன்
படத்தின் வித்தியாசமும், விறுவிறுப்புமான மீதிக்கதை!


‌ஒரே
நகுல், ஜீவா - ராஜா என இருவேறு பரிமாணங்களில் வெகுளி பாத்திரத்திலும்,
வெகுண்டெழும் பாத்திரத்திலும் கிடைத்த கேப்பில் எல்லாம் நடித்து "நான்
ராஜாவாகப்போகிறேன்" படத்தை தூக்கி நிறுத்தியிருக்கிறார். அதிலும்
கிக்பாக்ஸிங் நகுல் செம கிளாஸூங்கோ!



ஜிவி பிரகாஷின்
பாடல்கள் சுமார் ரகத்தில் இருந்தாலும் ரசிக்கக் கூடிய விதத்தில்
படமாக்கப்பட்டுள்ளது. வசனம் வெற்றிமாறன் என்பது டைட்டில் கார்டில்
பார்த்தாலொழிய வேறு எங்கும் உணரமுடியவில்லை.



மேலும்
ஆர்.வேல்ராஜின் ஒளிப்பதிவு, ஜோ‌தி பிரகாஷின் படத்தொகுப்பு உள்ளிட்ட ப்ளஸ்
பாயிண்ட்டுகள், புதியவர் பிருத்விராஜ் குமாரின் எழுத்து இயக்கத்திற்கு வலு
சேர்த்துள்ளன.



வழக்கமான தமிழ்
சினிமா மாதிரியே இயற்கை உபாதை போவதை எல்லாம் காமெடி எனும் பெயரில் படம்
பிடித்து காட்டியிருப்பது உள்ளிட்ட ஒரு சில குறைகள் இருந்தாலும், ஒருசில்
சின்ன சின்ன போராட்டங்கள் மூலம், இலங்கை தமிழர் விவகாரத்தையும்
பி.டி.கத்திரிக்காய், வேலி கருவேல் மரங்களின் விஞ்ஞான விபரீதத்தையும்
இந்தப்படம் அளவிற்கு எந்தப்படமும் அழகாக அறிவுறுத்தியதில்லை எனலாம்.



நான் ராஜாவாகப்
போகிறேன் நல்ல சப்ஜெக்ட். அந்நிய நாட்டு மாற்று விதைகள் இறக்குமதியால் மண்
நாசமாவதால் எதிர்கால சந்ததியினருக்கு ஏற்படவிருக்கும் பாதிப்புகள் குறித்து
நல்ல சமூக விழிப்புணர்வு ஏற்படுத்தியுள்ள திரைப்படம் என்பதில்
சந்தேகமில்லை. இருந்தும் திரைக்கதையில் சொதப்பல் செய்துவிட்டார்
இயக்குனர். கருத்துள்ள கமர்ஷியல் படமாக நான் ராஜாவாகப் போகிறேன்
பார்க்கக்கூடிய திரைப்படம் என்பதில் சந்தேகமில்லை.


மொத்தத்தில் நான் ராஜாவாகப் போகிறேன் - நல்ல மெஸேஜ் இருந்தும் சுவாரசியம் கம்மி!
-tamilstar=