பாண்டிங் தலைமையில் மும்பை ஹாட்ரிக் வெற்றி

மும்பை: ரோஹித் சர்மா அதிரடி அரைசதம், மிட்ச்செல் ஜான்சன் 3 விக்கெட்
வீழ்த்தியதன் மூலம், புனே அணியை 41 ரன்கள் வித்தியாத்தில் வீழ்த்தியது
மும்பை அணி. மும்பைக்கு இது ஹாட்ரிக் வெற்றி.

புனே வாரியர்ஸ்- மும்பை இந்தியன்ஸ் அணிகள் மோதும், ஐபிஎல் தொடரின் 15வது
லீக் போட்டி மும்பையில் சற்று முன் துவங்கியது. இரு அணியிலும் மாற்றம்
இல்லை. டாஸ் வென்ற கேப்டன் ரிக்கி பாண்டிங் பேட்டிங் தேர்வு செய்தார்.

[You must be registered and logged in to see this image.]

மும்பை அணிக்கு பாண்டிங், சச்சின் ஜோடி இம்முறை நல்ல துவக்கம் தந்தது.
புவனேஸ்வர் குமார் வீசிய இரண்டாவது ஓவரில் பாண்டிங் இரண்டு பவுண்டரி
விரட்ட, அசோக் டிண்டா ஓவரில் தன் பங்குக்கு நான்கு பவுண்டரி விளாசினார்
சச்சின். இதில் ஒரு ஹாட்ரிக் அடக்கம். அடுத்த இரண்டு ஓவர்களில் ஓரிரு
ரன்களாக சேர்த்தனர். ராகுல் சர்மா வீசிய ஆறாவது ஓவரில் சச்சின் ஒரு
பவுண்டரி ஒரு சிக்ஸர் அடித்து விஸ்வரூபம் எடுத்தார்.

இந்த ஜோடியைப் பிரிக்க நினைத்த புனே கேப்டன் மேத்யூஸ், யுவராஜிடம்
பந்தைக் கொடுத்தார். இதற்கு கை மேல் பலனும் கிடைத்தது. பாண்டிங் அடித்த
பந்தை புவனேஸ்வர் குமார் கேட்ச் பிடித்தார். பந்து தரையில் பட்டதா என்பதில்
சந்தேகம் எழ, முடிவு மூன்றாவது அம்பயர் வசம் சென்றது. இறுதியில் பாண்டிங்
அவுட் என அறிவிக்கப்பட்டது.

[You must be registered and logged in to see this image.]
ஆல்ரவுண்டர் ஆரோன் ஃபின்ச் வீசிய எட்டாவது ஓவரின் முதல் பந்தில் பவுண்டரி
அடித்த சச்சின், அதே வேகத்தில் அடுத்த பந்தையும் சிக்ஸருக்கு விரட்ட
முயன்றார். ஆனால், அதை அற்புதமாக ஷான் மார்ஷ் கேட்ச் பிடிக்க, சச்சின்
44(29 பந்து, ஒரு சிக்ஸர், 7 பவுண்டரி) அவுட்.
அடுத்து களம் இறங்கிய ரோஹித் சர்மாவுடன், தினேஷ் கார்த்திக் ஜோடி
சேர்ந்தார். பொறுப்புடன் ஆடிய இந்த ஜோடி, பந்துகளை வீணடிக்காமல் அதே
நேரத்தில், கிடைத்த பந்தை பவுண்டரிக்கு விரட்டி ரன் சேர்த்தனர்.

யுவராஜ் ஓவரில் இரண்டு பவுண்டரி விரட்டிய தினேஷ் கார்த்திக், மேத்யூஸ்
ஓவரில் ஒரு சிக்ஸர் பறக்கவிட்டார். தொடர்ந்து துõள் கிளப்புவார் என
எதிர்பார்க்கப்பட்ட தினேஷ் கார்த்திக், மார்ஷ் பந்தில் எல்பிடபிள்யு
முறையில் விக்கெட்டைப் பறி கொடுத்து,(41) வெளியேற, அடுத்து களம் புகுந்தார்
பொலார்டு.

[You must be registered and logged in to see this image.]

பொலார்டு- ரோஹித் ஜோடி, கடைசி ஐந்து ஓவரில் புனே பவுலர்களை ‘வந்து பார்’
என்றனர். அடித்ததெல்லாம் சிக்ஸர் அல்லது பவுண்டரி தான். அசோக் டிண்டா
வீசிய 17வது ஓவரில் ரோஹித் சர்மா, இரண்டு சிக்ஸர் அடித்த சூடு தணிவதற்குள்,
ஷான் மார்ஷ் வீசிய அடுத்த ஓவரில், இருவரும் போட்டி போட்டுக் கொண்டு தலா
ஒரு சிக்ஸர், ஒரு பவுண்டரி விளாச வாய் பிளந்து நின்றனர் மும்பை ரசிகர்கள்.
கடைசி ஓவரில் மீண்டும் விஸ்வரூபம் எடுத்த ரோஹித், டிண்டாவின் பந்தில் பேக்
டூ பேக் இரண்டு சிக்ஸர் விளாசினார். மும்பை அணி 20 ஓவர் முடிவில், 3
விக்கெட் இழப்புக்கு, 183 ரன் எடுத்தது. ரோஹித் சர்மா 62(32 பந்து, 5
சிக்ஸர், 3 பவுண்டரி), பொலார்ட் 19(14 பந்து, ஒரு சிக்ஸர்) அவுட்டாகமல்
இருந்தனர்.புனே அணி சார்பில் ஃபின்ச், யுவராஜ், மார்ஷல் தலா ஒரு விக்கெட்
வீழ்த்தினர்.

[You must be registered and logged in to see this image.]

சவாலான இலக்கை விரட்டிய புனே அணிக்கு ஆரம்பமே படு சொதப்பலாக அமைந்தது.
மிட்ச்செல் ஜான்சன் வீசிய முதல் பந்தில், ‘ஸ்டெம்ப்’ எகிற, ஆரோன் ஃபின்ச்
கோல்டன் டக். ஒன் டவுன் இறங்கிய ராஸ் டெய்லர்(4ரன்) ரன் அவுட்டானார்.
துவக்க வீரர் உத்தப்பாவை (7 ரன்) ஜான்சன் காலி செய்தார். சுமன் (23),
ஹர்பஜன் பந்தில் போலார்டிடம் கேட்ச் கொடுத்து வெளியேறினார்.

பெரிதும் எதிர்பார்க்கப்பட்ட யுவராஜ் சிங், போலார்ட், தவான் பந்தில் தலா ஒரு சிக்ஸர் உள்பட, 24 ரன் அடித்து, நடையைக் கட்டினார்.
ஒஜா வீசிய 13வது ஓவரின் முதல் பந்தில் சிக்ஸ் அடித்த கேப்டன் மாத்யூஸ்
(19), அடுத்த பந்தையும் பறக்க விட, அதை ரோஹித் சர்மா அழகாக கேட்ச்
பிடித்தார். அபிஷேக் நாயர் (6) மலிங்காவிடம் வீழ்ந்தார். ஓரளவுக்கு ஆறுதல்
அளித்த மிட்சல் மார்ஷ் 38 ரன்னில் வெளியேறினார். புனே வாரியர்ஸ் அணி 20
ஓவரில், 8 விக்கெட்டுக்கு 142 ரன்கள் எடுத்து, 41 ரன்கள் வித்தியாசத்தில்
தோல்வியடைந்தது. புவனேஷ்வர் குமார் (6), ராகுல் சர்மா (10) அவுட்டாகாமல்
இருந்தனர்.

[You must be registered and logged in to see this image.]
ரோஹித் சர்மா ஆட்ட நாயகனாக தேர்வானார்.