உண்மை ஒருபோதும் உறங்குவதில்லை.உறங்கவும் கூடாது.

உண்மை ஒருபோதும் உறங்குவதில்லை.உறங்கவும் கூடாது...................

ஒன்பது பேரின் சாவுக்கு காரணமான ஒருவனுக்கு தூக்குத் தண்டனை நிறைவேற்றம்.
ஒன்றரை இலட்சம் ஈழத் தமிழர்கள் படுகொலைக்கு காரணமானவனுக்கு சிவப்புக்கம்பள வரவேற்பு.
….
இலங்கையில் பள்ளிவாசல் அவமதிப்புக்கும்,மியன்மார் முஸ்லிம்கள் படுகொலைக்கும் கலங்காத இஸ்லாமிய அமைப்புக்கள்,விஸ்வரூபத்திற்கும்,அப்சல் குருவின் தூக்குத் தண்டனைக்கும் கலங்கிய விந்தை.
நாட்டை விட்டு போகிறேன் என்றார்,பல கோடி நஸ்டம் என்றார்,நான் தமிழன் என்றார்.விளம்பரத்தை தேடிக் கொண்டார்,விஸ்வரூபம் 2 ற்கும் சேர்த்து.அவருக்கு சினிமாவில் மட்டுமல்ல,தமிழக மக்களிடமும் நடிக்கத் தெரிந்துள்ளது.அவர் பிழைக்கத் தெரிந்த கலைஞன்.

படங்கரவாத எதிர்ப்புக்கு குரல் கொடுத்த இந்த தமிழ்க் கலைஞன்,ஒன்றரை இலட்சம் அப்பாவி மக்கள் சாவுக்கு கலங்காதது ஏன்? இதுவும் விந்தைதான்.
இந்த தமிழன் அங்கு நடந்த நடக்கும் இன அழிப்பை படம் பிடிக்க முன் வருவாரா? விஸ்வரூபத்திற்கு கலங்க மாட்டேன்,அஞ்ச மாட்டேன் என்று சினிமா வசனம் பேசியவர்,இதற்கு அச்சத்தில் கப்சிப் ஆகி விடுவாரா?
….
பூனையின் வாயில் எலி,பாம்பின் வாயில் தவளை,தமிழக சினிமா அரசியலின் வாயில் ஈழத் தமிழர்கள். பூனையும்,பாம்பும் எலியுடனும் தவளையுடனும் விளையாடி அவற்றை உணவாக்கிக் கொண்டன. நம் சினிமா அரசியல் ஈழத் தமிழர்கள் வாழ்வில் விளையாடி அவர்களின் அழிவுக்கே அடித்தளம் இட்டுக் கொண்டிருக்கின்றனவா?நம்ப வைத்து ஏமாற்றப் போகின்றனவா?
…
டெசோ என்றார்கள்,இலங்கைக்கு எதிராக பொருளாதாரத் தடை என்றார்கள்,போர்க்குற்ற விசாரணை என்றார்கள். எல்லாம் கடிதத்துடனும் அறிக்கையுடனும் விஸ்வரூபத்துடனும் அடக்கமாகி விட்டனவே.
ராஜபக்சே வருகைக்கு அம்மா கப்சிப் ஆகியது ஏன்?
தமிழக போராட்டமா? அது டம்மிப்பீசுகள், கவலைப்படாதீர்கள் என்று ஒதுக்கித் தள்ளியது சிங்களம்.அவர்கள் புரிந்து கொண்டார்கள்.நாம் இன்னமும் நம்மவர்கள் டம்மி தான் என்பதை புரிந்து கொள்ளவில்லையே.எப்பொழுது இந்த டம்மிகளை மாற்றப் போகிறோம்?
…
ஆசிட் வீச்சு,பாலியல் பலாத்காரம்,சாதிக் கலவரம், லஞ்சம், ஊழல்,நரபலி,சிறுவர் துஸ்பிரயோகம்,சட்டம் இயற்றும் சபையில் குழாயடிச் சண்டை,எல்லாம் நம் நாட்டில் தான்.கேட்கத்தான் நாதியில்லை.
அதுவெல்லாம் சினிமா காட்சிகள் என்று ஒதுக்கி விட்டனரா இந்த சினிமா அரசியல்வாதிகள்?
எண்ணில் அடங்கா எத்தனை பிரச்சனைகள்.அத்தனையையும் விட்டு விட்டு, அட்டைக்கத்தியால் வீரம் பேசுவது
சினிமாவில் தான் என்றிருந்தோம்.ஆனால் நம் நாட்டில் அம்மாவும் அய்யாவும் அதை நிஜமாக்கி அக்கப்போர் நடத்துகிறார்களே. யாரிடம் சொல்லி அழுவேன்?
…
ஒரு குடம் பாலில் ஒரு துளி விசம் என்றார்கள்.ஆனால் நம் நாட்டு மக்களும்,சாமியார்களும்,அரசியல்வாதிகளும் சினிமா அரசியலில் மூழ்கி விட்டார்களே. மீதி உள்ள விரல்விட்டு எண்ணக்கூடிய நல்லவர்களோ செய்வதறியாது கலங்கி நிற்கிறார்கள். இது ஒரு குடம் விசத்தில் ஒரு துளி பாலாகி விட்டதுவே.எப்படி காப்பாற்றப் போகிறோம்??
….
மதிகெட்ட மகிந்தவிடம் ஆட்சியைக் கொடுத்தால், தமிழர்களுக்கு என்ன கிடைக்கும்?
தமிழன் கலாச்சார பண்பாடு தெரியாத சினிமாக்காரர்களுக்கு கோயில் கட்டி கடவுளாக்கினால் தமிழகத்தில் என்ன நடக்கும்?
சினிமா போதையில் இருக்கும் சிந்திக்க முடியாதவர்களிடம் வாக்களிக்கும் ஆயுதத்தைக் கொடுத்தால் என்ன நடக்கும்?
…......
தமிழ் ஈழம் ஒரு நாள் தமிழகத்தின் தலைவிதியை மாற்றும் என்று தமிழ் நாட்டவர் கனவு கண்டார்கள்.
தமிழகம் நம்மை எல்லாம் காப்பாற்றும் என்று ஈழத் தமிழர்கள் கனவு கண்டார்கள்.
எல்லாம் எப்போதோ முடிந்து போன காரியம்............என்ற யாழ்ப்பாணம் யோகர் சுவாமிகளின் இந்த வாக்கை,
ஹவாய் ஆதீனத்தில் அன்று ஒரு நாள் படித்தது என் மனத்தில் வந்து நின்றது.
எல்லாம் எப்போதோ முடிந்து போன காரியம்.என்றாகி விட்டதுவே.
…...
இனி தமிழ் ஈழத்தை யார் காப்பாற்றப் போகிறார்கள்?
தமிழகத்தை யார் காப்பாற்றப் போகிறார்கள்?

நாம் சிந்திக்காத வரை...............
நாம் சினிமா போதையில் இருந்து விடுபடாத வரை.............
நாம் சாதிச் சங்கிலியை அறித்தெறியாத வரை............
நாம் போலிகளை இனம் காணாத வரை..............
நாம் ஆரிய சமய சடங்குகளை கிழித்தெறியாத வரை.........
நாம் தமிழனாக,மனிதனாக தலை நிமிர்ந்து நிற்காத வரை.............
எதுவும் சாத்தியமில்லை.
இனி என்ன நடக்கப் போகிறது?
நாம் அறியோம் ….என்ற யோகர் சுவாமிகளின் ஹவாய் ஆதீன கல்வெட்டுப் பதிவுடன்..........................

படங்கரவாத எதிர்ப்புக்கு குரல் கொடுத்த இந்த தமிழ்க் கலைஞன்,ஒன்றரை இலட்சம்
அப்பாவி மக்கள் சாவுக்கு கலங்காதது ஏன்? இதுவும் விந்தைதான்.;;;;;;;;;;;;;;உண்மை