பிரிட்டனின் பிரபல News of the World பத்திரிகை முற்றாக நிறுத்தம் : ஒட்டுக்கேட்டலால் வந்த வினை!

by **logu** Fri Jul 08, 2011 4:21 pm

பிரிட்டனின் மிக பிரபலமான News of the World பத்திரிகை, எதிர்வரும்
ஞாயிறு பதிப்புடன் தனது சேவையை முற்று முழுதாக இடை நிறுத்துவதாக
அறிவித்துள்ளது. இது பிரிட்டனின் பத்திரிகை ஊடகங்களிடையே அதிர்ச்சியையும்,
தாக்கத்தையும் ஏற்படுத்தியுள்ளது.

பிரிட்டனின் பிரபல News of the World பத்திரிகை முற்றாக நிறுத்தம் : ஒட்டுக்கேட்டலால் வந்த வினை! News-of-the-World---23-Ma-007

பிரிட்டனின் பிரபல News of the World பத்திரிகை முற்றாக நிறுத்தம் : ஒட்டுக்கேட்டலால் வந்த வினை! News-of-the-World---23-Ma-007

பிரிட்டனின் அரசியல் பிரபலங்கள், சினிமா நட்சத்திரங்கள், கொலை
செய்யப்பட்டவர்கள், மற்றும் தீவிரவாதிகள் என பலரது தொலைபேசி அழைப்புக்களை,
ஒட்டுக்கேட்டதாக இப்பத்திரிகை மீது குற்றம் சுமத்தப்பட்டது.

பிரிட்டன்
பிரதமர் டேவிட் கெமரூனின் பிரத்தியேக தொலைத்தொடர்பு இயக்குனராக முன்னர்
கடமையாற்றிய ஆண்டி கூல்சன் இப்பத்திரிகையின் தலைமை நிருபர் ஆவார். இதனால்
டேவிட் கெமரூனின் தனிப்பட்ட அரசியலிலும் இப்பத்திரிகை செல்வாக்கு செலுத்த
தொடங்கியது.

இதன் மற்றுமொரு ஊடகவியலாளர் கிளிவ் கூட்மேன், மற்றும்
தனியார் புலனாய்வாளர் கிலென் மியூக்லோர் ஆகியோர் அரச குடும்பத்தினரின்
(இளவரசர் வில்லியம்ஸ்) தொலைபேசி உரையாடல்களை ஒட்டுக்கேட்டது
கண்டுபிடிக்கப்பட்டதை அடுத்து கைது செய்யப்பட்டிருந்தனர். இதையடுத்து
கடந்த 2007ம் ஆண்டு, ஆண்டி கூலும் தனது பதவியை ராஜினாமா செய்தார்.

இந்நிலையில் காணாமல் போயிருந்ததாக அறிவிக்கப்பட்ட 13 வயது பிரிட்டன்
சிறுமி ஒருவர், பின்னர் படுகொலை செய்யப்பட்டது கண்டுபிடிக்கப்பட்ட போது
அவரது மின்னஞ்சல் வாய்ஸ் மெயில், குறித்த பத்திரிகை புலனாய்வாளர்களால்
ஹேக்கிங் செய்யப்பட்டது கண்டுபிடிக்கப்பட்டதும், ஆப்கானில் கொல்லப்பட்ட
பிரிட்டிஷ் துருப்புக்கள் தொடர்பான புலனாய்வு நடவடிக்கையாலும்,
இப்பத்திரிகை மீதான குற்றச்சாட்டு அதிகரித்து சென்றது. இதையடுத்து கடந்த
ஜனவரியில் மீண்டும் விசாரணையை தொடக்கிய காவற்துறை பல்வேறு திடுக்கிடும்
தகவல்களை வெளியிடத்தொடங்கியது.

இந்நிலையில் இப்பத்திரிகையை நடத்தி
வந்த News International நிறுவனத்தின் தலைமை இயக்குனர் ஜேம்ஸ் முர்டோச்
நேற்று வியாழக்கிழமை விடுத்த அறிவிப்பில், இப்பத்திரிகைக்கு எமது
நிறுவனத்தில் இனி இடமில்லை. எதிர்வரும் ஞாயிற்றுக்கிழமையுடன் முற்றாக
இடைநிறுத்தப்படவுள்ளது.' என தெரிவித்தார்.

மேலும்
இப்பத்திரிகைக்காக வேலைபார்த்து வந்த 200 தொழிலாளர்கள் தங்களது வேலையை
இழக்கின்ற போதும், அவர்களக்கு வேறு பதவிகள் கொடுப்பதற்கு தயாராக
உள்ளதாகவும் தெரிவித்தார்.

நூற்றாண்டு காலமாக சேவையை வழங்கி வந்த
பிரிட்டனின் பழமை வாய்ந்த பத்திரிகைகளில் ஒன்றான News of the World
பத்திரிகை, தனது சேவையை இடைநிறுத்துவது, அப்பத்திரிகையின் நாளாந்த
வாசகர்கள் மத்தியில் கவலையை ஏற்படுத்தியுள்ளது.

பிரிட்டனில்
இயங்கி வரும் Sun, The Times மற்றும், Sunday Times ஆகிய பத்திரிகைகளின்
ஒரு தரப்பு உரிமையை மூட்டிச்சின் News International நிறுவனம்
கொண்டிருப்பது குறிப்பிடத்தக்கது.