Javascript (ஜாவாஸ்க்ரிப்ட்) என்றால் என்ன?

by **Tamil** Tue Feb 09, 2010 10:50 pm

ஜாவாஸ்க்ரிப்ட்
என்பது வலைத்தளங்களை வடிவமைக்க பரவலாகப் பயன்படும் ஒரு கணினி நிரல் மொழி
ஆகும். பயனர் பக்க செயற்பாடுகள் ஜாவாஸ்க்ரிப்ட்டினால் பெரிதும் நடைமுறைப்
படுத்தப்படுகின்றன. 1995 ஆம் ஆண்டு நெற்சுகேப் நிறுவனத்தால்
அறிமுகப்படுத்தப்பட்ட இந்த மொழிக்கு தற்போது மிகவும் விருத்தி பெற்ற
மென்பொருள் கட்டமைப்புகள் உள்ளன. யேகுவெரி, மொடூல்சு, கூகிள் வலை
கருவிப்பெட்டி போன்றவை பரவலான பயன்பாட்டில் இருக்கும் ஜாவாஸ்க்ரிப்ட்
கட்டமைப்புகள். பெயரில் ஒத்த ஜாவா நிரல் மொழிக்கும் இதற்கு எந்த நேரடி
தொடர்பும் இல்லை.

வரலாறு
ஆரமபத்தில்
நெட்சுகேப் நிறுவனத்தால் லைவ் சிகிரிப்டு என அறிமுகம் செய்யப்பட்ட
மொழியையே ஜாவாஸ்க்ரிப்ட் என பெயர் மாற்றப்பட்டு அறிமுகப் படுத்தப் பட்டது.
இந்தப் பெயரின் தெரிவே இன்னளவும் பல குழப்பங்களுக்குக் காரணமாக அமைந்தது.
இப் பெயர் சண் மைக்ரோசிஸ்டத்தின் காப்புரிமைப் பெயராகும். பிற்காலத்தில்
மைக்ரோசாப்ட் ஜாவாசிகிரிப்டிற்குப் போட்டியாக ஜெஸ்கிரிப்ட் என்ற நிரலாக்க
மொழியை உருவாக்கியது.

ஜாவாஸ்க்ரிப்ட்டும் ஜாவாவும்
இதேவேளையில்,
சண் மைக்ரோ சிஸ்டம் (Sun Micro systems) ஜாவா (Java) என்ற மொழியை
அறிமுகப்படுத்தியது. ஜாவா விரைவில் பிரபலமாகி பலரது கவனத்தை ஈர்த்தது.
இதன் காரணமாக நெட்சுகேப் நிறுவனமும் தமது நெட்சுகேப் 2.0 பதிப்பில்
ஜாவாவிற்கான ஆதரவை ஏற்படுத்தியது. அத்துடன் தமது லைவ் சிகிரிப்டு என்ற
மொழியை ஜாவாசிகிரிப்ட் (Java Script) என்று மாற்றிக்கொண்டனர். இதன் மூலமாக
ஜாவாஸ்க்ரிப்ட் மொழி பலரது கவனத்தில் பட்டது. இதைத்தவிர ஜாவாவிற்கும்
யாவாசிகிரிப்டுக்கும் எந்தத் தொடர்பும் இல்லை. இரண்டிற்கும் தற்போதய நவீன
உலாவிகளில் ஆதரவு வழங்கப்படுகின்றது என்பதும் குறிப்பிடத்தக்கது.

பயன்பாடு
* பயனர்களிடம் இருந்து பெறுகின்ற தரவுகள் சரியா என்பதை உலாவியூடாகவே சரிபாத்துப் பின்னர் வழங்கியில் சேமிக்கும் வசதி.
* உரையாடல் பெட்டி மற்றும் மேல் மீட்புப் பெட்டி ஜன்னல்களை உருவாக்குதல்.
* பயனர்களின் சுட்டி அசைவுகளைகளிற்கு எடுத்துக் காட்டாக படங்களிற்கு மேலாக சுட்டி செல்லும் போது படங்களை மாற்றுதல்.
* யாவாசிகிரிப்டில் கம்பைலர்களை பயன்படுத்துவது இல்லை. நிரலை எழுதிய உடன் உலாவியில் சோதித்து பார்க்கலாம்.

ஜாவாஸ்க்ரிப்ட்டில் தமிழ்
யாவாசிகிரிப்டில்
தமிழைப் பயன்படுத்த தமிழ் செய்தியை ஒருங்குறியில் தட்டச்சுச் செய்து
பின்னர் கோப்பை UTF-8 முறையில் சேமிக்க வேண்டும். உலாவிகள் அவற்றை தமிழில்
காட்டும்.

<script type="text/javascript"> alert('சோதனைச் செய்தி') </script>

பொதுவாக யாவாசிகிரிப்டை எச்.டி.எம்.எலின் (html) தலைப்பில் இடுவர். அதாவது பின்வருமாறு:

Javascript (ஜாவாஸ்க்ரிப்ட்) என்றால் என்ன? Javascript_Tamil_Dialogbox

<html>
<head>
<script type="text/javascript">
யாவாசிகிரிப் இங்கே இடப்படும்....
</script>
</head>
<body></body></html>

யாவாசிகிரிப்டை ஒரு வெளி கோப்பாக
இணைக்கலாம். தலைப்புகள் tags இடையே <script src="filename">
</script> என்று இணைக்கலாம்.
bibliography: [You must be registered and logged in to see this link.]