பன்னாட்டளவில் பரவும் ‘டார்க் பாட்’ வைரஸ்- DORKBOT virus

by **Tamil** Tue Mar 01, 2016 10:04 pm

பன்னாட்டளவில் பரவும் ‘டார்க் பாட்’ வைரஸ்- DORKBOT வைரஸ்

இந்த வைரஸ் ஒரு கம்ப்யூட்டரை அடைந்தவுடன், பின்புற வழி ஒன்றைத் திறக்கிறது. அதன் மூலம், இந்த வைரஸ் அனுப்பியவரின் கம்ப்யூட்டருக்கு இணைப்பு கிடைக்க, அத்தனை தகவல்களும், தொலைவில் இருந்தே இயக்கப்பட்டுத் திருடப்படுகின்றன. இந்த டார்க் பாட் வைரஸ் AUTORUN.INF பைல் ஒன்றையும் பதிக்கிறது. இதன் மூலம் வைரஸ் புரோகிராம் தானாக இயக்கப்பட்டு செயல்படுத்தப்படுகிறதுசில வேளைகளில் கம்ப்யூட்டரே முடக்கப்படுகிறது. நாம் பார்க்கும் இணைய தளங்கள் குறித்த தகவல்களைத் திரட்டுகிறது. இணைய தளங்களுக்கு நாம் செல்கையில் (வங்கி போன்ற முக்கிய நிறுவனத் தளங்கள்) அதற்கான யூசர் நேம் மற்றும் பாஸ்வேர்ட்களைத் திருடிக் கொள்கிறது. அதே கம்ப்யூட்டரில், மேலும் சில கெடுதல் விளைவிக்கும் வைரஸ் புரோகிராம்களைப் பதிக்கிறது. கம்ப்யூட்டர் பயனாளியின், சமூக இணைய தள அக்கவுண்ட்களைத் திருடி, ஒரிஜினல் அக்கவுண்ட்டினை முடக்கி, அதே போல் இன்னொன்றை உருவாக்கி, மோசமான தகவல்களைப் பதிக்கிறது. பாலியல் செய்திகளையும் படங்களையும் அந்த அக்கவுண்ட் பெயரில் வெளியிடுகிறது.

இது பன்னாட்டளவில் தற்சமயம் பரவி வருவதால், இதனைத் தடுக்கும் முயற்சியில் பன்னாட்டளவில் இணையத்தைக் காக்கும் அமைப்புகள் இறங்கியுள்ளன. Dorkbot வைரஸ் முதலில் 2011 ஆம் ஆண்டில் நுழைந்தது. இணைய வெளியில் குற்றங்கள் மேற்கொள்வதனையே தொழிலாகக் கொண்டிருக்கும் பல அமைப்புகள் (cybercrime forums) இணைந்த மன்றத்தில், இது குற்றங்களை மேற்கொள்வதில் சிறந்த டூல் “NgrBot” என்ற பெயரில் விற்பனை செய்யப்பட்டது. இந்த தகவல்களை மைக்ரோசாப்ட் தன் தளத்தில் வெளியிட்டுள்ளது.